۵۰ ایل حبسدن سونرا سوچسوزلوغو اثبات ائدیلدی
"محکمهمیز، سوچو سایین سایمونزون تۆرهتمهدیگینه دایر آچیق و قانع ائدیجی دلیللر تاپمیشدیر"
آمریکا بیرلشمیش دؤولتلرینده تخمیناً ۵۰ ایل حبس چکهن محکومون سوچسوز اولدوغو آیدین اولدو.
آمریکادا اوکلاهما بؤلگه محکمهسی یارغیجی امی پالومبو، جینایت سوچلاماسیندان ۴۸ ایل ۱ آی ۱۸ گون حبس چکهن و وکیللرینین مراجعتینین آردیندان ساوچیلار طرفیندن سربست بوراخیلان ۷۱ یاشینداکی گلین سایمونزون سوچسوز اولدوغونا قرار وئردی.
سایمونزون سربست قالماسینین آردیندان وکیللرینین محکمهیه ائتدیگی اعتراضی دگرلندیرهن پالومبو، قراریندا، "محکمهمیز، سایین سایمونزون محکوم اولدوغو، جزا آلدیغی و محکوم ائدیلدیگی سوچو سایین سایمونزون تۆرهتمهدیگینه دایر آچیق و قانع ائدیجی دلیللر تاپمیشدیر" ایفادهسینی ایشلتدی.
سایمونزون، محکمه قرارینین آردیندان تشکیل ائتدیگی مطبوعات کنفرانسیندا، "بو بیر قرارلیلیق و عزم درسیدیر" ایفادهسینی ایشلتدی.
گلین سایمونز، دون روبرتز آدلی بیر شخص ایله ۱۹۷۴ده لویزیانادا یاشانان بیر جینایت اولایی سببی ایله ۱۹۷۵ده اعدام جزاسینا چارپدیریلمیش، داها سونرا جزا عؤمورلوک حبسه چئوریلمیشدی.
روبرتز ۲۰۰۸ده کفالتله سربست قالمیش، سایمونز ایسه جولای آییندا ساوچیلار طرفیندن سوچسوزلوغونون آنلاشیلماسی اوزرینه اؤزگورلوگونه قوووشموشدو.
سایمونز، آمریکادا "گسوچسوز یئره" ان اوزون مدت حبس چکهن محکوم اولاراق تاریخه گئچدی.
ایلگیلیلی خبرلر
غزهیه هئچ بیر شئی و هئچ کیمین گیریش چیخیشینا ایجازه وئریلمیر
"وطنداشلار، غزهده اؤلدورولور، آجلیغا معروض بوراخیلیر و بیزیم اونلارا کؤمک ائتمهمیزه مانع تؤردیلیر"