پارتی قانا بولاندی
مکزیکنین مرکز ایالتی گوآناخواتودا بازار گونو ائدیلهن پوساداس آدلی بیر قوتلامایا سالدیران سلاحلی شخصلر، ان آز ۱۲ نفرین اؤلومونه چوخ ساییدا اینسانین دا یارالانماسینا یول آچدی
مکزیکده نوئل اؤنجهسی بیر پارتییه ائدیلهن سالدیریدا ان آز ۱۲ نفر حیاتینی ایتیردی.
مکزیکنین مرکز ایالتی گوآناخواتودا بازار گونو ائدیلهن پوساداس آدلی بیر قوتلامایا سالدیران سلاحلی شخصلر، ان آز ۱۲ نفرین اؤلومونه چوخ ساییدا اینسانین دا یارالانماسینا یول آچدی.
ایالت باش ساوچیلیق اوفیسی ایکس پلتفورموندا وئردیگی آچیقلامادا ان آز ۱۲ نفرین اؤلدوگونو، یارالانان شخصلرین معالیجه اوچون خستهخانایا قالدیریلدیغینی سؤیلهدی.
پارتییه قاتیلانلاردان بیرینین ایفادهسینه گؤره، سلاحلی آلتی نفر، مکانا گیرهرک، اورادا اولان ۱۰۰ نفره یاخین اینسانین آراسینا قاریشدی. شاهید آیریجا، "بو قوتلامایا دعوت ائدیلمهدیکلرینی فرق ائتدیگیمیزده، کیم اولدوقلارینی سوروشدوق. ائله او زامان اطرافا آتیش ائتمهیه باشلادیلار" شکلینده دانیشدی.
سالدیریدا اؤلنلرین چوخونون گنج اولدوغو ایفاده ائدیلیر.
گوآناخواتو، مکزیکده خشونتین ان چوخ گؤرولدوگو یئرلردن بیری اولاراق بیلینیر. بو وضعیتین تمل سببینین ایسه سوچ هؤرگوتلرینین و بیر نئچه رقیب اویوشدوروجو کارتلینین بؤلگهدهکی فعالیتلری اولدوغو ایفاده ائدیلیر.