هاواییده ساواش اوچاغی پیستدن چیخدی

آمریکا بیرلشمیش دؤولتلرینین هاوایی ایالتینده‌کی عسگری مرکزده پیستدن چیخان ساواش اوچاغینین یاخینداکی خلیجه دوشمه‌سی نتیجه‌سینده ۹ نفر یارالاندی.

هونولولو قورتارما دایره‌سی سؤزچوسو مالکوم ک. مدرانو، یئرلی ساعاتلا ۱۴.۰۰دا هاواییده‌کی بیر دنیز مرکزینده عسگری اوچاغین کانیوهی خلیجینه دوشدوگو خبرینی آلدیقلارینی آچیقلادی.

عسگری مقاملار، پ-۸آ ساواش اوچاغینین هاواییده‌کی دنیز مرکزینده پیستدن چیخما سببینین هله بیلینمه‌دیگینی قید ائتدی.

ساحل گوونلیک قوموتانلیغی ایسه اوچاقدا یارالانان ۹ نفرین قورتاریلدیغینی بیلدیردی.

بؤلگه‌ده‌کی هاوا شرطلری سببی ایله گؤروش مسافه‌سینین آزالدیغی ایفاده ائدیلیر.