آوروپا بیرلیگیندن روسیایا قارشی یئنی تحریم لر پاکتی
جوزپ بورل آوروپا بیرلیگی اؤلکهلرینین خاریجی ایشلر ناظیرلرینین بروکسل-ده کئچیریلن توپلانتیسینین سونوندا روسیایا قارشی حاضیرلانان یئنی تحریم لر پاکتی ایله باغلی آچیقلاما وئریب.
آوروپا بیرلیگینین (آی) خاریجی سیاست و تهلوکهسیزلیک مسئلهلری عالی نومایندهسی جوزپ بورل آوروپا بیرلیگی اؤلکهلرینین خاریجی ایشلر ناظیرلرینین بروکسل-ده کئچیریلن توپلانتیسینین سونوندا روسیایا قارشی حاضیرلانان یئنی تحریم لر پاکتی ایله باغلی آچیقلاما وئریب.
جوزپ بورلین سؤزلرینه گؤره، اونلار 12-جی تحریم لر پاکتی اوزرینده ایشی باشا چاتدیرماق عرفه سیندهدیرلر.
حاضیرلایق لاری پاکتی چرشنبه گونو عضو اؤلکهلره تقدیم ائتمگی پلانلاشدیردیقلارینی ایفاده ائدن جوزپ بورل دئییب: "12-جی پاکت داها چوخ اینسانین سیاهییا آلینماسینی، آلماز دا داخیل اولماقلا یئنی صادرات قاداغالارینی، روسیانین نفت گلیرلرینی آزالتماق اوچون نفت تاوان قیمتینی سرعتلشدیرمهیه یؤنلمیش تدبیرلری احاته ائدهجک. همچنین تحریم لردن یایینماغا قارشی تدبیرلر گؤرولهجک".
یئنی تحریم لرین قوهیه مینمهسی اوچون عضو دؤولتلرین تصدیقی طلب اولونور.
قئید ائدک کی، آوروپا بیرلیگی ایندییهدک محاربه سببیندن روسیایا قارشی 11 تحریم پاکتی تطبیق ائدیب.
ایلگیلیلی خبرلر
غزهیه هئچ بیر شئی و هئچ کیمین گیریش چیخیشینا ایجازه وئریلمیر
"وطنداشلار، غزهده اؤلدورولور، آجلیغا معروض بوراخیلیر و بیزیم اونلارا کؤمک ائتمهمیزه مانع تؤردیلیر"