گوترش سعی لرینی داوام ائتدیردیکلرینی بیلدیردی
آنتونیو گوترش قارا دنیز تاخیل تشببوسونو جانلاندیرماق اوچون سعیلرینی داوام ائتدیردیکلرینی، لاکین بونون چتین اولاجاغینی سؤیلهییب.
بیرلشمیش میللتلر تشکیلاتینین (بمت) باش کاتیبی آنتونیو گوترش قارا دنیز تاخیل تشببوسونو جانلاندیرماق اوچون سعیلرینی داوام ائتدیردیکلرینی، لاکین بونون چتین اولاجاغینی سؤیلهییب.
آنتونیو گوترش "Reuters Next" آدلی تدبیر چرچیوهسینده تشکیل اولونان پروقرما قوناق اولوب.
اوکراینادا حلین اولوسلار آراسی حقوق و بمت نیظامنامهسینه اویغون اولماسینین واجیبلیگینی دیله گتیرن گوترش "اوکراینانین اراضی بوتؤولوگو تامین ائدیلمهلیدیر. بونون الده ائدیلیب-ائدیلمهیهجگینی و یا نه واخت اولاجاغینی بیلمیرم، اما ائدیلمهسی لازیم اولان بودور. پروبلئمی حل ائتمک گوجوم یوخدور، اما سسیم مسئولیت داشیییر، باریش اولمالیدیر" دئییب.
گوترش قارا دنیز تاخیل تشببوسونون جانلاندیریلماسی مسئلهسینه ده توخوناراق دئییب کی، بیز سعیلریمیزی داوام ائتدیریریک، لاکین قارا دنیز تاخیل تشببوسونو جانلاندیرماق چتین اولاجاق. تشببوسون جانلاندیریلماسینین موناقیشه طرفلرینه خیری اولاجاق. ایدهآل اولان طرفلرین قارا دنیزده سیروسفر آزادلیغینی تصدیقلمهلری اولاردی، لاکین منجه، بو، حاضیردا خیالدان ایرهلی گئده بیلمز.
قلوبال پروبلئملرین حلینده بمت-نین رولونا گلینجه، گوترش بمت-نین بیر چوخ ساحهلرده چوخ طرفلی سازیشلرین ایمضالانماسیندا مهم رول اوینادیغینی قئید ائدیب.
باش کاتیب بمت-نین مسئلهلرین حلی اوچون طرفلری بیر آرایا گتیرمک اوچون مهم پلاتفورم اولاراق قالدیغینی دا دئییب.
ایلگیلیلی خبرلر
غزهیه هئچ بیر شئی و هئچ کیمین گیریش چیخیشینا ایجازه وئریلمیر
"وطنداشلار، غزهده اؤلدورولور، آجلیغا معروض بوراخیلیر و بیزیم اونلارا کؤمک ائتمهمیزه مانع تؤردیلیر"