آوروپا بیرلیگی باتی بالکان اؤلکه‌لریله یاخین‌لاشماق اوچون پلان حاضیرلادی

آوروپا بیرلیگی باتی بالکان اؤلکه‌لری ایله اقتصادی یاخینلاشمانی آرتیرماق اوچون 6 میلیارد یورولوق بویومه پلانی حاضرلاییب.

آوروپا بیرلیگی کمیسیونو اقتصادی آرتیمی چوخالتماق و سوسیال-اقتصادی یاخینلاشمانی سرعتلن‌دیرمک اوچون باتی بالکان‌لار اوچون یئنی آرتیم پلانی تکلیفینی آچیقلاییب.

گئنیشلنمه سوره جینی سرعتلن‌دیره‌جک و اقتصادی آرتیم یارادا‌جاق اصلاحات و یاتیریم لاری دستکلمک اوچون حاضیرلانان پلانا اساساً، باتی بالکان‌لار اوچون 2024-2027-جی ایللر اوچون 6 میلیارد یورولوق یئنی اصلاحات و اینکیشاف فوندو یارادیلا‌جاق. بونون 2 میلیارد یوروسو آوروسو بلاعوض یاردیم، 4 میلیارد یوروسو ایسه گذشت‌لی وام لاردان عبارت اولا‌جاق. آدی چکیلن قایناق باتی بالکان‌لارین واحید بازار قایدا‌لارینا اویغون‌لوغونو و اقتصادی انتگراسیونونو آرتیرماق مقصدی داشیییر.

محصول‌لارین، خیدمت‌لرین و ایشچی‌لرین سربست حرکتی، آوروپا اؤدنیش زوناسینا چیخیش، اتومبیل نقلیاتی‌نین آسانلاشدیریلماسی، انرژی بازارلاری‌نین و تجهیزات زنجیرلری‌نین انتگراسیونو پلاندا اونجه لیکلی ایستیقامت‌لردیر.

سؤزوگئدن تکلیفین قوه‌یه مینمه‌سی اوچون آوروپا پارلامئنتی‌نین و عضو دؤولت‌لرین تصدیقی طلب اولونور.

پلان آوروپا بیرلیگی-نین آلبانیا، کوزوو، بوسنیا و هرزگونیا، صربیستان، قوزیی مقدونیه و مونته نگرو ایله اقتصادی علاقه‌لرینی آرتیرماق مقصدی داشیییر.