ایسراییلین غزه-یه هوجوم‌لاری داوام ائدیر

ایسراییلین جبالیا قاچقین دوشرگه‌سینه 24 ساعات عرضینده حیاتا کئچیردیگی ایکینجی هوجومدا اؤلن، یارا‌لانان و ایتکین دوشن‌لرین سایی‌نین 1000-ا چاتدیغی بیلدیریلیب.

ایسراییل ساواش اوچاق لارینین غزه-نین نصر محله سینده‌کی الشرق چؤرکچینی بومبالاماسی نتیجه‌سینده چؤرک آلماق اوچون گؤزله‌ین 20 نفر هلاک اولوب.

دیگر طرف‌دن، یمن-ده بعضی بؤلگه‌لره نظارت ائدن حوثی لر ایسراییل داخیلینده بیر چوخ هدفه چوخلو سایدا انیسانسیز هاوا آراجی آتدیق‌لارینی آچیقلاییب.

حوثی لرین حربی سؤزچوسو یحیی سری ایسراییلین غزه-یه هوجوم‌لاری دایان‌دیری‌لانا قدر "حربی عملیات‌لارین داوام ائدجگینی" بیلدیریب.

لوبنان-داکی حزب الله ایسه ایسراییله مخصوص اینسانسیز هاوا آراجینی ووردوغونو آچیقلاییب.

دیگر طرف‌دن، "حماس"ین سلاحلی قانادی قسام گردان لاری غزه-ده اولان اجنبی اسیرلردن بعضی‌لری‌نین یاخین زاماندا آزاد ائدیله‌‌جگینی آچیقلاییب.

غزه-نین دونیایا آچیلان یئگانه قاپی‌سی اولان میصر سرحدینده‌کی "رفح"کئچید منطقه‌سی محدود شکیلده آچیلیب. خاریجی‌لرین و یارا‌لی‌لارین ایلک کاروان‌لاری سرحدی کئچیب. ایسراییلین هوجوم‌لاریندا یارا‌لانان غزه-لیلر ده معالیجه اولونماق اوچون عاجیل یاردیم ماشین‌لاری ایله "رفح" کئچید منطقه‌سیندن میصره آپاریلیب.

یاردیم ماشین‌لاری‌نین محدود شکیلده ده اولسا داخیل اولماغا داوام ائتدیگی غزه زولاغیندا 44 اؤلکه وطنداشی‌نین اولدوغو بیلدیریلیر.

قئید ائدک کی، "حماس"ین سلاحلی قانادی عزالدین قسام گردان لاری ایسراییلین "فیلسطین‌لی‌لره و اونلارین مقدس دیرلرینه، خصوصیله ده القصی مسجینیده قارشی داوام‌لی پوزونتولارینا" جاواب وئرمک اساسیندا اوکتبرین 7-ده سحر ساعات‌لاریندا هرطرف‌لی هوجوما کئچیب. ایسراییل اوردوسو دا غزه زولاغینا شدتلی هاوا بومباردمان‌لاری باشلادیب.

ایسراییل رسمی‌لری غزه-دن گلن هوجوم‌لاردا 315-ی عسگر اولماقلا 1400-دن چوخ ایسراییل‌لی‌نین اؤلدوگونو، 5132 نفرین ایسه یارالاندیغینی آچیقلاییب.

ایسراییل اوردوسونون سؤزچوسو دانیال هاگاری غزه-ده قسام گردان لارینین الینده 240 ایسراییل‌لی اسیر اولدوغونو قئید ائدیب.

غزه-ده‌کی فیلیسطین ساغلیق ناظیرلیگی ایسراییلین هوجوم‌لاری نتیجه‌سینده 3648-ی اوشاق و 2290-ی قادین اولماقلا 8796 فیلیسطین‌لی‌نین هلاک اولدوغونو، 22219 نفرین ایسه یارالاندیغینی بیلدیریب.