بایدنین ایسراییل و اوکراینایا دستکی
امریکا پرزیدنتی جو بایدن ایسراییل و اوکراینا دا داخیل اولماقلا طرفداشلاری دستکلمک اوچون کنگره-یه "فوق العاده بودجه" طلب ائدجگینی آچیقلاییب.
امریکا پرزیدنتی جو بایدن ایسراییل و اوکراینا دا داخیل اولماقلا طرفداشلاری دستکلمک اوچون کنگره-یه "فوق العاده بودجه" طلب ائدجگینی آچیقلاییب.
امریکا پرزیدنتی بایدن خالقا مراجعت ائدیب.
صاباح امریکا کنگره سیندن طلب ائدجگی بودجهنین ایسراییلین تهلوکهسیزلیگینه باغلیلیغینی داها اول گؤرولمهمیش بیر شکیلده تائید ائدهجگینی ایفاده ائدن بایدن "بیز ایسراییل و اوکراینا دا داخیل اولماقلا طرفداشلاریمیزی دستکلمک اوچون بودجه تامین ائتمهلییک. بو، آمریکالیلارین گلهجک نسیللری اوچون یاتیریم دیر" دئییب.
کنگره نین مالیهلشدیرمهسینی طلب ائتدیگی "تهلوکهسیزلیک پاکتی"نین ایسراییلین حربی اوستونلوگونو گوجلندیرجگینی قئید ائدن بایدن دئییب کی، بؤلگهدهکی دیگر دوشمن طرفلرین ایسراییلین هر زامانکیندن داها گوجلو اولدوغونو گؤرمهلرینی و موناقیشهنین یاییلماسینین قارشیسینی آلماسینی تامین ائدجییک.
"حماس" کیمی ترورچولارین، پوتین کیمی دیکتاتورلارین غالیب گلمهسینه ایجازه وئره بیلمریک. بونا ایجازه وئره بیلمرم.
داها اول امریکانین اوکراینایا قوشون گؤندرمهیهجگینی وورغولامیشیق. اوکراینانین تک ایستگی روسیا قوهلرینین اؤز اؤلکهلریندن چیخاریلماسینا کؤمک اولونماسیدیر.
امریکا پرزیدنتی "صاباح امریکانین میللی تهلوکهسیزلیک احتیاجلاری چرچیوهسینده ایسراییل و اوکراینا دا داخیل اولماقلا طرفداشلارا دستک اولماق اوچون عاجیل بودجه طلبینی کنگره یه تقدیم ائدهجهیم" دئییب.
ایسراییل سفرینه ده توخونان بایدن امریکانین ان مهم اولویت لرینین "حماس"ین گیروو گؤتوردوگو امریکا وطنداشلارینین تهلوکهسیزلیگی اولدوغونو وورغولاییب.
بایدن "حماس"ین 7 اوکتبر هوجوموندا حیاتینی ایتیرن امریکالیلارین سایینین 32-یه یوکسلدیگینی آچیقلاییب.
بایدن همچنین "غزه-ده خستهخانادا باش وئرن پارتلاییشدان" درین کدرلندیگینی بیلدیریب و بونون ایسراییللیلر طرفیندن حیاتا کئچیریلمهدیگینی تکرارلاییب.
"حماس"ین بوتون فیلیسطین خالقینی تمثیل ائتمهدیگینی وورغولایان بایدن "دونن ایسراسیل و مسصر لیدئرلری ایله کئچیردیگیم گؤروشلرده غزه-ده فیلیسطینلیلره بمت-دن ایلک اینسانی یاردیم گؤندریلمهسینی تامین ائتدیم" دئییب.
ایسراییلین باش ناظیری بنیامین نتانیاهو ایله ده "محاربه قایدالارینا اویغون" حرکت ائتمیین واجیبلیگینی موذاکیره ائتدیکلرینی ایفاده ائدن بایدن "بو، موناقیشهده مومکون اولدوغو قدر سیویل شخصلرین قورونماسی دئمکدیر" دئیه وورغولاییب.
7 اوکتبر هوجوملاریندان سونرا امریکا-دا آنتیسمیتیزم و ایسلامافوبینین آرتدیغینا دقت چکن بایدن کئچن هفته 6 یاشلی مسلمان اوشاغین اؤلدورولمهسینه موناسیبت بیلدیریب:
"بیز بو، باش وئرن زامان سسسیز قالا بیلمریک. آنتیسمیتیزم و ایسلاموفوبینی آچیق شکیلده رد ائتمهلییک".
ایلگیلیلی خبرلر
مسجیدده پاتلاما: ۱۱ نفر حیاتینی ایتیردی
نیجریهنین کانو ایالتینده بیر مسجیدده میدانا گلن پاتلامادا ۱۱ نفر حیاتینی ایتیردی