نیویورک تایمز قزئتی آرخا آرخایا باشلیق دییشدیردی

آمریکانین نیویورک تایمز قزئتینین، غزه‌ده‌کی خسته‌خانا قیرغینینین مسئولو ایسرائیلی آغ‌لاما چاباسی گؤزلردن قاچمادی.
نیویورک تایمز قزئتی، ۱۷ اکتبردا قیرغینین ایلک آنلاریندا "ایسرائیل سالدیریسی خسته‌خانادا یوزلرجه اینسانی اؤلدوردو" باشلیغیندان ایستیفاده ائتدی. بو باشلیغین ایستیفاده ائدیلمه‌سیندن قیسا بیر مدت سونرا قزئت، باشیلیغی دییشدیردی.
باشلیقدان، حادثه‌نین فاعلی ایسرائیلین آدی چیخاردیلاراق "غزه‌ده‌کی خسته‌خانایا ائدیله‌ن سالدیریدا ان آز ۵۰۰ نفر اؤلدو" ایفاده‌لری ایشله‌دیلدی.
آنجاق قزئت اوچون بو دا یئترلی اولمادی. باشلیغی یئنیدن دییشدیره‌ن نیویورک تایمز، بو دفعه "سالدیری" سؤزونون یئرینه "پاتلاما" ایفاده‌سینی سئچدی.
خبرده، "غزه‌ده‌کی خسته‌خانادا میدانا گلن پاتلامادا ان آز ۵۰۰ نفر اؤلدو" باشلیغی قوللانیلدی.
قیسا مدتده ائدیله‌ن بو دییشیکلیکلرله، ایسرائیلین گئرچکلشدیردیگی قیرغین، سببی معین اولمایان بیر پاتلاما نتیجه‌سینده یاشانمیش کیمی سونولدو.
نیویورک تایمزین ائتدیگی بو تحریف و چارپیدما قیسا مدتده فرق ائدیلدی. سوسیال مئدیادا، قیرغینین مسئولو ایسرائیلی آغلاما چاباسی سببی ایله، قزئته بؤیوک تپکی وئریلدی.
ایسرائیل، غزه‌نین مرکزینده‌کی الاهلی باپتیست خسته‌خاناسینی بومبالامیش، قیرغیندا ۴۷۱ وطنداش حیاتینی ایتیرمیشدی.