بایدن، "ساواش حقوقو" سوالینا جاواب وئرمهدی
ایسرائیل سفری دؤنوشو اوچاقدا مطبوعات منسوبلارینا آچیقلاما وئرن بایدن، "سیزجه ایسرائیل ساواش حقوقونا گؤره می حرکت ائدیر؟" سوالینی جاوابسیز بوراخدی
آمریکا بیرلشمیش دؤولتلری باشقانی جو بایدن، ایسرائیلین ساواش حقوقونا گؤره حرکت ائدیب ائتمهدیگی سوالینا جاواب وئرمهدی.
ایسرائیل سفری دؤنوشو اوچاقدا مطبوعات منسوبلارینا آچیقلاما وئرن بایدن، "سیزجه ایسرائیل ساواش حقوقونا گؤره می حرکت ائدیر؟" سوالینی جاوابسیز بوراخدی.
بایدن، سوالا جاواب وئرمک یئرینه "سیزینله دانیشماق گؤزل ایدی" دئیهرک مطبوعات منسوبلارییلا گؤروشمهنی سونلاندیردی.
آمریکا باشقانی، ایسرائیل مطبوعاتیندا چیخان، آمریکا یؤنهتیمیندن مقاملارین، حزب اللهین ایسرائیله قارشی بیر ساواش باشلاتماسی حالیندا، آمریکا اوردوسونون ایسرائیل اوردوسونا بو موباریزهده دستک اولاجاغینی ایفاده ائتدیگینه باغلی خبرلری ده یالانلادی.
ایسرائیلین غزهیه قارشی اولاسی قورو عملیاتینین لغوی احتیمالینا باغلی اولاراق دا بایدن، ایسرائیل و آمریکا عسگری مسئوللاری، آلترناتیولرین نهلر اولابیلهجگی یولوندا گؤروشمهلر یئریتدیگینی سؤیلهدی.
بایدن، غزهدهکی آمریکا وطنداشلارینین تخلیهسینه باغلی چابالارینین سوردوگونو ده ایفاده ائتدی.
ایسرائیل دؤنوشو، مصر جمهورباشقانی عبدالفتاح السیسی ایله ائتدیگی تلفون دانیشماسیندا بایدن، سیسینین باشلانغیج اولاراق تخمیناً ۲۰ کامیونون غزهیه گئتمهسی اوچون سرحدی آچماغی قبول ائتدیگینی ایفاده ائتمیشدی.
حماسین عسگری قانادی قسام توغایلاری، ۷ اکتبر جمعهائرتهسی گونو اسرائیله "الاقصی توفانی" آدلی احاطهلی بیر سالدیری باشلاتدیغینی بیلدیرمیشدی.
غزهدن اسرائیله مینلرجه راکت آتیلارکهن سلاحلی قروپلار دا بؤلگهدهکی یئرلهشیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزهیه دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده هر ایکی طرفدن یوزلرجه جان ایتکیسی وار.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.