آوروپا فیلیسطتین ایله هم رایلیک نوماییشلرینه موختلیف قاداغالار قویور
آوروپا اؤلکهلرینده فیلیسطین ایله هم رایلیک اوچون بیر آرایا گلمک ایستهین نوماییشچیلر محدودیتلر، قاداغالار، پولیس موداخیلهسی و حبس قراری ایله اوزلشیب.
اوکتبرین 7-ده ایسراییل-فیلیسطین قارشیدورماسینین باشلاماسینین آردیندان آوروپا اؤلکهلرینده فیلیسطین ایله هم رایلیک اوچون بیر آرایا گلمک ایستهین نوماییشچیلر محدودیتلر، قاداغالار، پولیس موداخیلهسی و حبس قراری ایله اوزلشیب.
اوکتبرین 14-ده اینگیلتره-نین پایتاختی لندون-دا اون مینلرله اینسان "فیلیسطین ایله هم رایلیک نوماییش ائتدیرمک و اینگیلتره حکومتینین ایسراییل-دهکی فیلیسطین-لیلرین حقوقلارینا قارشی سوسقون موناسیبتینه اعتراض ائتمک" اوچون اؤلکهنین بی بی سی کانالینین مرکزی بیناسی قارشیسینا توپلاشیب.
اینگیلتره پولیسی ایله نوماییشچیلر آراسیندا گرگینلیک یارانیب، 15 نفر ساخلانیلیب.
فرانسانین پایتاختی پاریس و استراسبورگ شهرلرینده ایسراییل طرفداری نوماییشلره ایجازه وئریلدیگی حالدا، فیلیسطین ایله هم رای لیک نوماییشلری پاریس، استراسبورگ، لیون و مارسی-ده یئرلی حاکمیت اورقانلاری طرفیندن "اجتماعی آساییشی پوزما ریسکی" سببی ایله دفعهلرله قاداغان ائدیلیب.
قاداغالارا باخمایاراق فیلیسطین ایله هم رایلیک نوماییشلرینین کئچیریلدیگی استراسبورگ-دا 13، مارسی-ده 4، لیون-دا 1 نفر ساخلانیلیب.
اوکتبرین 12-ده پایتاخت پاریس-ده فیلیسطینه دستک نوماییشی کئچیریلیب و نوماییش زامانی پولیس فیلیسطینلی طرفدارلارا بیبر گازی و تضییقلی سو ایله موداخیله ائدیب.
ایکی گون سونرا پایتاختدا کئچیریلن باشقا بیر نوماییشده 752 نفر جریمهلنیب.
آلمانیادا برلین پولیسی ده اوکتبرین 11-دن بری فیلیسطینلیلرله هم رایلیک نوماییشلرینه ایجازه وئرمیر.
پولیسین قاداغاسینا باخمایاراق، اوکتبرین 14-ده آرالاریندا فیلیسطینلیلرین ده اولدوغو بیر قروپ تاریخی براندنبورگ قاپیسینین قارشیسینداکی میدانا توپلاشیب.
پولیس بیر چوخ نوماییشچینی ساخلاییب. همین گون برلین-ده کئچیریلمهسی پلانلاشدیریلان داها بیر نوماییش قاداغان ائدیلیب. فرانکفورت-دا نوماییشده تخمینن 750 نفر ایشتیراک ائدیب، پولیس 100 نفری ساخلاییب.
اوکتبرین 15-ده برلین-ده توپلاشان 1000-ا یاخین اینسانین فیلیسطینلیلرله هم رایلیک نوماییشی کئچیرمهسینه ایجازه وئریلمهییب.
هوللاندیانین پایتاختی آمستردام-دا فیلیسطینه دستک نوماییشینده ایسه 3 نفر ساخلانیلیب.
سوئیس-ین بازل و زوریخ شهرلرینده فیلیسطین طرفدارلارینین نوماییشلرینه ایجازه وئریلمهییب.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.