زلنسکی بروکسله سفر ائدیب
اوکراینا پرزیدنتی ولودیمیر زلنسکی قفیل سفرله ناتو ساوونما ناظیرلری توپلانتیسینین کئچیریلدیگی بلژیک-ین پایتاختی بروکسل-دهکی ناتو قرارگاهینا گئدیب.
اوکراینا پرزیدنتی ولودیمیر زلنسکی قفیل سفرله ناتو ساوونما ناظیرلری توپلانتیسینین کئچیریلدیگی بلژیک-ین پایتاختی بروکسل-دهکی ناتو قرارگاهینا گئدیب.
2022-جی ایلین فوریه آییندا روسیا ایله اؤلکهسی آراسیندا محاربه باشلایاندان سونرا ایلک دفعه ناتو توپلانتیسینا گئدن زلنسکینی قرارگاهین گیریشینده ناتو-نون باش کاتیبی ینس استولتنبرگ قارشیلاییب.
ناتو ساوونما ناظیرلری توپلانتیسی اؤنجهسی ژورنالیستلره آچیقلاما وئرن زلنسکی قارشیدان گلن قیشین اؤلکهسی اوچون ان بؤیوک سیناقلاردان بیری اولاجاغینی وورغولاییب.
زلنسکی ناتو اؤلکهلرینین ساوونما ناظیرلری ایله اوکراینانین اونجه لیک لرینی موذاکیره ائدهجکلرینی بیلدیریب. اونلارین اونجه لیک لرینین هاوا هوجوموندان ساوونما سیستمی اولدوغونو بیلدیرن زلنسکی دئییب:
"بیز انرژی شبکهسینی و تاخیل ترانزیت یول لارینی قوروماق اوچون اراضیمیزین کونکرت جغرافی نقطهلرینده هاوا هوجوموندان ساوونما سیستملرینی یئرلشدیرمه لییک."
ینس استولتنبرگ ایسه اوکراینانی روسیایا قارشی محاربهسینده دستکلمهیه داوام ائدهجکلرینی بیلدیریب.
استولتنبرگ اوکراینایا هاوا هوجوموندان ساوونما، توپچو سیستملری و مهمات دستکینه احتیاج اولدوغونو وورغولاییب و متفیقلردن یئنی دستک بیاناتلاری گؤزلهدیکلرینی قئید ائدیب.
ایلگیلیلی خبرلر
یول قیراغیندا ۱۰ نفرین جسدی تاپیلدی
مکزیده آکاپولکو شهریندهکی املیانو زاپاتا محلهسینده، چوخ ساییدا جسد تاپیلدیغی بیلدیریلدی