تورکیه-‌دن گونئی سودانا دستک

تورکیه-نین کوبا-‌داکی سفیری اردم موتاف گونئی سودان رسمی‌لرینه 75 مین حربی یونیفورم و مووافیق ماتئریال تحویل وئریب.

جنوبی سودان یئتکیلیلرینین طلبی چرچیوه‌سینده تورکیه 2018-جی ایلده قبول ائدیلن راضیلاشما ایله باشلایان گونئی سودان باریش سوره جینه تحفه اولا‌راق یئنی یارادیلان بیرلشمیش اوردویا 75 مین حربی یونیفورم و مووافیق ماتئریال یاردیمی ائدیب.

گونئی سودان ساوونما ناظیرلیگینده تشکیل ائدیلن مراسیمده تورکیه-نین کوبا-‌داکی سفیری اردم موتاف گونئی سودان رسمی‌لرینه 75 مین حربی یونیفورم و مووافیق ماتئریال تحویل وئریب.

مراسیمده چیخیش ائدن گونئی سودان رسمی‌لری تورکیه جمهوریتی‌نین بیرلشمیش اوردویا وئردیگی دستک‌دن ممنونلوق‌لارینی ایفاده ائده‌رک، تورک خالقینا، تورکیه حکومتینه و میللی ساوونما ناظیرلیگینه تشککورلرینی بیلدیریب‌لر.

قئید ائدک کی، اؤلکه‌نین ساوونما ناظیرلیک‌لری آراسیندا 2021-جی ایلده باشلایان پروسه چرچیوه‌سینده وئریلن حربی ماتئریالین بیرینجی حیسه‌سی 16 فوریه 2023-جو ایلده هاوا یولو ایله کوبایا، قالان ماتئریال ایسه دنیز یولو ایله کنیایا گؤندریلیب. مومباسا لیمانی، اورا‌دان ایسه گونئی سودان ساوونما ناظیرلیگی طرفیندن قورو یولو ایله کوبایا چاتدیریلیب.