باتیلی لیدئرلردن اورتاق بیلدیری

آمریکا بیرلشمیش دؤولتلری، فرانسا، آلمانیا، ایتالیا و اینگیلتره لیدئرلری، اسرائیله دستک آچیقلاماسی وئردی.
آمریکا باشقانی جو بایدن، فرانسا جمهورباشقانی امانوئل مکرون، آلمانیا باشباخانی اولاف شولتس، ایتالیا باشباخانی جورجا ملونی، و اینگیلتره باشباخانی ریشی سوناک، اسرائیل-فلیسطین چاتیشماسینی اله آلماق اوچون ائتدیکلری گؤروشمه‌نین آردیندان اورتاق بیلدیری یاییملادی.
لیدئرلر، اسرائیله اولان قرارلی دستکلرینی وورغولارکه‌ن، حماسی کسین بیر دیلله قینادیقلارینی بیلدیردی.
اسرایلین اؤزونو و خالقینی مدافعه ائتمه چابالارینا دستک وئره‌جکلرینی بیلدیرن لیدئرلر، بو اؤلکه‌یه دوشمن اولان هر هانسی بیر طرفین بو سالدیریلاردان آوانتاژ اولاراق ایستیفاده ائتمه‌مه‌سی لازیم اولدوغو اویاریسینی ائتدی. باتیلی لیدئرلر،
"اؤنوموزده‌کی گونلرده، اسرائیلین اؤزونو مدافعه ائده‌بیلمه‌سینی تامین ائتمک و نهایت باریشچیل و قایناشمیش بیر اورتا دوغو بؤلگه‌سینین شرطلرینی میدانا گتیرمک اوچون متفیقلر و اسرائیلین اورتاق دوستلاری اولاراق بیرلیک ایچینده قالاجاغیق" مئساژینی پایلاشدی.
حماسین عسگری قانادی قسام توغایلاری، جمعه‌ائرته‌سی گونو اسرائیله "الاقصی توفانی" آدلی احاطه‌لی بیر سالدیری باشلاتدیغینی بیلدیرمیشدی. غزه‌دن اسرائیله مینلرجه راکت آتیلارکه‌ن سلاحلی قروپلار دا بؤلگه‌ده‌کی یئرله‌شیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزه‌یه دمیر قیلینجلار عملیاتی باشلاتدیغینی آچیقلامیشدی. 
آرتان گرگینلیکده هر ایکی طرفدن یوزلرجه جان ایتکیسی وار.