هریس: اسرائیله لازیم اولان دستگی وئرمکده قرارلیییق

آمریکا بیرلشمیش دؤولتلری باشقان کؤمکچیسی کامالا هریس، حماسین قارشی سالدیریلارینی قینایاراق اسرائیلین گوونلیگی اوچون لازیم اولان دستگی تامین ائتمکده قرارلی اولدوقلارینی بیلدیردی.
آغ ائوده‌ن وئریله‌ن یازیلی آچیقلامایا گؤره، هریس، اسرائیل جمهورباشقانی اسحاق هرتزوگ ایله تلفندا دانیشدی.
تلفن دانیشماسیندا هریس، اؤزو و حیات یولداشی آدینا حماس سالدیریلاریندان تأثیرلنه‌ن هر کسه عاجیل شفا، حیاتینی ایتیره‌نلر اوچون باش‌ساغلیغی دیله‌دی.
"قورخونج و بنزری گؤرولمه‌میش" سالدیریلاری قینایان هریس، "بو طرز ترور سالدیریلارینین اصلا بیر سببی اولمادیغینی" ایفاده ائتدی.
آمریکانین اسرائیلین گوونلیگینه اولان سارسیلماز دستگینی تکرارلایان هریس، اؤلکه‌سینین اسرائیله لازیم اولان دستگی تامین ائتمکده قرارلی اولدوغونو وورغولادی.
آمریکا ساوونما باخانی لوید آستین، حماسین باشلاتدیغی سالدیریلاردا اسرائیله یاردیما حاضر اولماسی آماجی ایله، اوچاق گمیلرینی دوغو آغ دنیزه گؤندرمه تاپشیریغی وئرمیشدی.
حماسین عسگری قانادی قسام توغایلاری، جمعه‌ائرته‌سی گونو اسرائیله "اقصی توفانی" آدلی احاطه‌لی بیر سالدیری باشلاتدیغینی بیلدیرمیشدی. غزه‌دن اسرائیله مینلرجه راکت آتیلارکه‌ن سلاحلی قروپلار دا بؤلگه‌ده‌کی یئرله‌شیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزه‌یه دمیر قیلینجلار عملیاتی باشلاتدیغینی آچیقلامیشدی. 
آرتان گرگینلیکده هر ایکی طرفدن یوزلرجه جان ایتکیسی وار.