آمریکا، ایرانا عاید مرمیلری اوکراینایا گؤندردی
آمریکا، ایرانین یمن‌ده‌کی حوثی میلیسلره گؤندردیگی دوشونوله‌ن مهماتین اوکراینایا وئریلدیگینی تائید ائتدی
آمریکا بیرلشمیش دؤولتلری ال قویدوغو و ایرانا عاید ۱،۱ میلیون مرمینین اوکراینایا گؤندریلدیگینی دوغرولادی.
آغ ائو سؤزچوسو کرین ژان پیر، باشکند واشینگتون‌دا گونلوک مطبوعات توپلانتیسیندا ژورنالیستلرین سواللارینی جاوابلادی.
ایرانین، بیرلشمیش میللتلر گوونلیک شوراسی قرارینی پوزواراق، یمن‌ده‌کی حوثی میلیسلره گؤندردیگی دوشونوله‌ن ۱،۱ میلیون مرمییه دسامبردا آمریکا طرفیندن ال قویولدوغونو خاطیرلادان ژان پیر، بو مهماتین اوکراینایا وئریلدیگینی تائید ائتدی.
ایرانین بو حرکتینین، بیرلشمیش میللتلر گوونلیک شوراسینین ۲۲۱۶ ساییلی قرارینین پوزونتوسو اولدوغونو ایفاده ائد‌ن ژان پیر، "اوکراینانین تیرانلیغا/آجیماسیزلیغا قارشی اؤزگورلوک موباریزه‌سینی دستکله‌مک و ایرانین بؤلگه‌ده و اؤته‌سینده استقرارسیزلاشدیریجی فعالیتلرینی انگللمک اوچون آددیملار آتماغا داوام ائدجییک" ایفاده‌سینی ایشلتدی.
آمریکا مرکز کوموتانلیغیندان (سنتکوم) وئریله‌ن آچیقلامادا، ایران طرفیندن یمنه گؤندریلدیگی معین ائدیله‌ن ۱،۱ میلیون مرمینین دسامبر آییندا یئلکه‌نلی، تاختادان بیر گمیده اله گئچریلدیگی و ۷،۶۲ میلیمترلیک مرمیلرین "اوکراینایا گؤندریلدیگی" بیلدیریلمیشدی.
