اوربان: سوئدین ناتو عضولوگو اوچون عجله‌یه گرک یوخ

ماجاریستان باشباخانی ویکتور اوربان، سوئدین ناتو عضولوگونو اونایلاماق اوچون عجله‌یه گرک اولمادیغینی ایفاده ائتدی.
ماجاریستان پارلمانیندا دانیشان اوربان،
"سوئدین گوونلیگینی تهدید ائد‌ن بیر وضعیت یوخ" ایفاده‌سینی ایشلتدی.
ماجاریستان ژوئن آییندا، سوئدین ناتو عضولوگونه اونای اوتورومونون پاییز آیلارینا ائرته‌لندیگینی بیلدیرمیشدی.
۲۴ فوریه ۲۰۲۲ده روسیا-اوکراینا ساواشینین باشلاماسینین آردیندان فنلاند و سوئد، اونلارجا ایللیک 'عسگری طرفسیزلیک' سیاستینی سونا چاتدیرمیشدی.
ایکی اؤلکه، گئچه‌ن ایل می آییندا، ناتو عضولوگو اوچون مراجعت‌ ائتمیش، تورکیه‌یه تعهدلارینی یئرینه یئتیره‌ن فنلاند ۴ آوریل‌ده ناتونون ۳۱.جی عضوو اولموشدو.