هریس لیبیا-داکی ساغلام‌لیق وضعیتی ایله باغلی آچیقلاما وئریب
دونیا ساغلیق تشکیلاتی-نین سؤزچوسو مارگارت هریس لیبیاداکی ساغلام‌لیق وضعیتی ایله باغلی آچیقلاما وئریب.
دونیا ساغلیق تشکیلاتی سپتامبرین 8-ده داشقین باش وئرن لیبیانین دوغوسوندا خسته‌لیک‌لرین آشکارلانماسی و اپیدمی لریم قارشی‌سی‌نین آلینماسینا دقت یئتیردیگینی بیلدیریب.
دونیا ساغلیق تشکیلاتی-نین سؤزچوسو مارگارت هریس لیبیاداکی ساغلام‌لیق وضعیتی ایله باغلی آچیقلاما وئریب.
لیبیانین سئل‌دن ضرر چکمیش دوسوندا ان اهمیت‌لی ساغلام‌لیق پروبلئمی‌نین تمیز سویا چیخیش اولدوغونو ایفاده ائدن هریس فلاکت قوربان‌لاری‌نین اولدوغو یئرلرده اساس ساغلام‌لیق خیدمت‌لرینه چیخیشین واجیب‌لیگینه دقت چکیب.
فلاکت قوربان‌لارینی ایستیفاده ائتدیک‌لری سویون قایناغینی بیلمه‌یه چاغیردیق‌لارینی قئید ائدن هریس بؤلگه‌یه سو تمیزلییجی قرص لار دا گؤندردیک‌لرینی و سودا هله ده "چیرکلنمه و زهرلی شیمیایی ماده‌لر" شوبهه‌لری‌نین اولدوغونو وورغولاییب.
هریس بیلدیریب کی، دونیا ساغلیق تشکیلاتی لیبیانین داشقین‌دان ضرر چکمیش بؤلگه‌لرینه 29 تون داوا و طبی آوا‌دان‌لیق چاتدیریب:
"خصوصیله تمیز سویا، تمیزلیک و و کانالیزاسیونا چیخیش اولمادیقدا وضعیتین پیسلشمه احتیمالی داها دا آرتیر. جدی اپیدمی و ایتکی‌لردن قاچماق اوچون ایلکین اولا‌راق بون‌لاری تامین ائتمه‌یه دقت یئتیرمه‌لییک. اؤلکه‌ده داها یاخشی ساغلیق سیستمینی برپا ائتمک اوچون چالیشمالیییق".
سون بیر نئچه گونده میللی و اولوسلار آراسی قروپ‌لار طرفیندن 450 نفرین خلاص ائدیلدیگی معلوماتینی پای‌لاشان هریس یئرلی طرفداشلاریندان آلدیق‌لاری معلومات‌لارا گؤره، 3 مین 998 آدامین حیاتینی ایتیردیگینی، 9 میندن چوخ اینسانین ایسه هله ده ایتکین دوشدوگونو بیلدیریب.
