آمریکادان ایران استخباراتینا تحریم
"ایران رژیمینی، لوینسونا تام اولاراق نه اولدوغونا دایر بیر آچیقلاما وئرمهیه چاغیریرام"
آمریکا بیرلشمیش دؤولتلری باشقانی بایدن، اؤنجهکی ایران جمهورباشقانلاریندان محمود احمدینژاد و ایران استخبارات باخانلیغینا تحریم تطبیق ائدجکلرینی بیلدیردی.
جو بایدن، ایران ایله واردیقلاری توتوقلو موبادیلهسی آنلاشماسی چرچیوهسینده اؤلکهده توتوقلو اولان ۵ آمریکا وطنداشینین سربست بوراخیلماسینین آردیندان یازیلی آچیقلاما یاییملادی.
"ایراندا توتوقلو سوچسوز ۵ آمریکالی سونوندا ائولرینه دؤنور" ایفادهسینی ایشلهدن بایدن، قطر، عمان، سوئیس و گونئی کره داخیل توتوقلولارین آمریکایا قاییتماسی قونوسوندا کؤمک ائدن اورتاقلارینا مینتدار اولدوغونو ایفاده ائتدی.
بایدن، ۲۰۰۷ده ایراندا ایتن فدرال سوروشدورما بوروسونون (افبیآی) اسکی چالیشانی رابرت لوینسون ایله باغلی ایسه،
"ایران رژیمینی، لوینسونا تام اولاراق نه اولدوغونا دایر بیر آچیقلاما وئرمهیه چاغیریرام" مئساژینی پایلاشاراق،
"اؤنجهکی (ایران) جمهورباشقانلاریندان محمود احمدینژاد و ایران استخبارات باخانلیغینا، (آمریکا وطنداشلارینین) حاقسیز یئره توتوقلانمالارینداکی روللاری سببی ایله لوینسون یاساسینا گؤره تحریم تطبیق ائدیریک" آچیقلاماسینی وئردی.
آمریکا خاریجی ایشلر باخانی آنتونی بلینکن ده قونویا باغلی وئردیگی یازیلی آچیقلامادا، لوینسون یاساسینی "ایران و باشقا رژیملرده" حساب وئریلهبیلیرلیگی تشویق ائتمک اوچون ایستیفاده ائتمهیه داوام ائدجکلرینی ایفاده ائدرک،
"آمریکا وطنداشلاری هئچ بیر سببله ایرانا سیاحت ائتمهمهلی. ایرانداکی آمریکا وطنداشلارینا دا درحال بو اؤلکهنی ترک ائتمهلری چاغریسی ائدیرم" ایفادهلرینی ایشلتدی.