آمریکا ایرانی اویاردی
"ایران و پوتین کیمی پیس آکتورلارین آمریکالیلاری حاقسیز یئره گؤزآلتینا آلماق اوچون تشویقه احتیاجی یوخ. بو، اوزون زاماندیر اولور"
آمریکا بیرلشمیش دؤولتلری، ایرانین گونئی کره‌ده توتولان تخمیناً ۶ میلیارد دلارلیق وارلیغینا دایر معافیتین، تمل اینسانی لوازیم ساتین آلینماسی دیشیندا ایستیفاده ائدیلمه‌سی حالیندا تکرار تحریم تطبیق ائدجگینی بیلدیردی.
آغ ائو اولوسال گوونلیک شوراسی استراتژیک ارتباط سوروملوسو جان کربی، گونده‌لیک مطبوعات توپلانتیسندا، ایرانین گونئی کره‌ده توتولان تخمیناً ۶ میلیارد دلارلیق وارلیغینا تطبیق اولونان تحریمه گتیریله‌ن معافیت ایله باغلی آچیقلاما وئردی.
کربی، سؤزو گئدن وارلیقلارین، گونئی کره‌ده اولدوغوندان داها برک قیسیدلامالارا تابع توتولاجاغینی و آمریکا خزانه باخانلیغی طرفیندن پولون ایستیفاده‌سینین کنترل ائدیله‌جگینی ایفاده ائتدی.
ایرانی، وارلیقلارینی ایفاده ائدیله‌ن آماجلار دیشیندا ایستیفاده ائتمه‌سی حالیندا تکرار بو وارلیقلارا تحریم گتیریله‌جگی قونوسو‌دا اویاران کربی، سؤز قونوسو معافیتین "بیر اؤده‌مه و یا فدیه پولو" اولمادیغینی ایفاده ائتدی.
کربی، آمریکانین ایرانا تحریملرینین قالدیریلماسینین سؤز قونوسو اولمادیغینی دا سؤزلرینه علاوه ائتدی.
جان کربی، بو معافیتین ایران و دیگر اؤلکه‌لری "آمریکالیلاری گؤزآلتینا آلماغا" تشویق ائدیب ائتمه‌مه‌سینه باغلی،
"ایران و (روسیا دؤولت باشقانی ولادیمیر) پوتین کیمی پیس آکتورلارین آمریکالیلاری حاقسیز یئره گؤزآلتینا آلماق اوچون تشویقه احتیاجی یوخ. بو، اوزون زاماندیر اولور" دئدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
