کیم جونگ اون روسیادا
پوتین و کیم روسیانین آمور بؤلگهسیندهکی ووستونچنی اوزای مرکزینده گؤروشدو
روسیا دؤولت باشقانی ولادیمیر پوتین، قوزئی کره لیدئری کیم جونگ اون ایله بیر آرایا گلدی.
روسیا دؤولت باشقانلیغی سارایی کرملیندن وئریلهن آچیقلامایا گؤره، پوتین و کیم روسیانین آمور بؤلگهسیندهکی ووستونچنی اوزای مرکزینده گؤروشدو.
پوتینین مرکزده قارشیلادیغی کیم، سیخ پروگرامینا باخمایاراق اؤزونو روسیایا دعوت ائتدیگی اوچون پوتینه تشکر ائتدی.
مرکزین تاسیسلرینی گزهن ایکی لیدئر، "آنگارا" اوزای راکت کمپلکسی آتما آراجینین مونتاژ آتلیهسی، "سویوز-۲" اوزای آراجینین آتما کمپلکسی و "آنگارا" آراجی اوچون اورهتیم مرحلهسینده اولان آتما کمپلکسینی اینجهلهدی.
پوتین و کیمین تاسیسلردهکی اینجهلهمهلری سیراسیندا روسیا فدرال اوزای آژانسی (روسکوسموس) باشقانی یوری بوریسوو و اوزای آلت یاپی عملیات مرکزی باش مودورو نیکولای نسترچوک سونوم گئرچکلشدیردی.
اوزای مرکزیندهکی آراشدیرمالارینین آردیندان ایکی اؤلکهنین لیدئری، یانلارینداکی هیئتلرین ایشتیراکییلا گؤروشمهلره گئچدی.