333 میلیون اوشاق حدیندن آرتیق یوخسوللوق شرایطینده یاشاییر

یئر اوزونده اوشاق اها‌لی‌سی‌نین تخمینن 6-دا بیرینی تشکیل ائدن 333 میلیون اوشاق حدیندن آرتیق یوخسوللوق شرایطینده یاشاییر.

بیرلشمیش میللت‌لر تشکیلاتی‌نین (بمت) اوشاق‌لارا یاردیم فوندو (یونیسف) و دونیا بانکی بیرگه "اولوسلار آراسی آجلیق حدینه گؤره یوخسوللوق ایچینده یاشایان اوشاق‌لار" آدلی راپور حاضیرلاییب.

راپوردا گونده 2،15 امریکا دو‌لاری لیمیتی‌نین آلتیندا یاشایان و ایفرات یوخسوللوقدا اولان اوشاق‌لارین سایی‌نین 2013-جو ایلدن 2022-جی ایله قدر 13 فایز آزالا‌راق 383 میلیون‌دان 333 میلیونا دوشدوگونه و بو رقمین هدف‌دن چوخ اولدوغونا دقت چکیلیب.

اوشاق یوخسول‌لوغونون ان بؤیوک یوکونو صحرا آلتی افریقا بؤلگه‌سی داشیییر. دونیا‌داکی حدیندن آرتیق یوخسول اوشاق‌لارین 40 فایزی بو بؤلگه‌ده‌دیر. 2013-جو ایلده 54،8 فایز اولان بو بؤلگه‌ده اوشاق یوخسول‌لوغو نیسبتی 2022-جی ایلده 71،1 فایزه یوکسلیب.

راپوردا یونیسف و دونیا بانکی، حکومت‌لری و تشکیلات‌لاری اوشاق یوخسول‌لوغونا سون قویماق اوچون بو مسئله‌یه اونجه‌لیک وئریلمه‌سینه چاغیریب.