لیبیده سئل فاجعه گتیردی
لیبیده یالنیز درنه شهرینده اؤلنلرین ساییسینین ۲ میندن چوخ اولدوغونو ایفاده ائد‌یلدی
لیبینین دوغوسونداکی سئل‌ده، یالنیز درنه شهرینده اؤلنلرین ساییسی ۲ مینی گئچدی.
اؤلکه‌نین دوغوسونداکی "حکومتین باشباخانی" اوسامه حماد، ژورنالیستلره وئردیگی آچیقلامادا، یالنیز درنه شهرینده اؤلنلرین ساییسینین ۲ میندن چوخ اولدوغونو ایفاده ائد‌رک، شهرده‌کی وضعیتی فاجعه اولاراق تانیملادی.
بؤلگه‌ده‌کی حکومتین ایچ ایشلری باخانی عیسام ابو ضریبه، درنه شهرینده شدتلی یاغیشلار سببی ایله حیاتینی ایتیره‌ن ۱۵۰۰دن چوخ اینسانین جسدینین تاپیلدیغینی، ایتکین اینسان ساییسینین ایسه ۷ مینه چاتدیغینی سؤیله‌دی.
درنه بلدیه مجلیس عضوو احمد امدیر فیسبوک صحیفه‌سیندن وئردیگی آچیقلامادا، شهرده چوخ ساییدا بینا و ائوین تامامیله سو آلتیندا قالدیغینی، آلت یاپینین سئل سولارییلا داغیلدیغینی، آنا یوللارین ییخیلدیغینی، دؤولت و اؤزل مولکلرده اؤنملی زیانلار اولدوغونو ایفاده ائتدی.
لیبی میللی بیرلیک حکومتی سؤزچوسو محمد حموده ایسه اؤلکه‌نین دوغوسوندا میدانا گلن سئل فاجعه‌سی سببی ایله ائدیله‌ن فؤوق‌ا‌لعاده کابینه ییغینجاغی سونراسی سوسیال مئدیا حسابیندان آچیقلامالار وئردی.
حموده، هاوا دورومو اداره‌سی بیلگیلرینین جبل الاخضر بؤلگه‌لرینده ثبت ائدیلن یاغیش میقدارینین تخمیناً ۴۰۰ میلیمتری گؤستردیگینی، بونون، لیبیده ۴۰ ایلده‌ن اوزون مدتدیر ثبت ائدیلن ان یوکسک یاغیش میقداری اولدوغونو ایفاده ائتدی.
سئل فاجعه‌سی سببی ایله میللی بیرلیک حکومتی باشباخانی عبدالحمید دبیبه‌نین ۳ گون یاس اعلان ائتدیگینی خاطیرلادان حموده، اؤلکه‌ده بایراقلارین یارییا ائندیریله‌جگینی بیلدیردی.
بو آرادا، باشباخان دبیبه، سئلدن ضرر گؤره‌ن بؤلگه‌لر اوچون اولوسلارآراسی کؤمک چاغریسی ائتدی.
منفی هاوا شرطلری لیبینین بنغازی، بیضا، مرج و سوسه شهرلرینه ده تأثیر ائتدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
