ارمنیستان و آمریکادان اورتاق مانور

ارمنیستانین رسمی خبر آژانسی آرمن‌پرسین خبرینه گؤره، ساوونا باخانلیغی، آمریکا بیرلشمیش دؤولتلری ایله اولوسلارآراسی باریش قوروما گؤره‌ولیلریله باغلی اورتاق مانور تشکیل ائدیله‌جگینی بیلدیردی.
باخانلیغین آچیقلاماسیندا،
"اولوسلارآراسی باریش قوروما گؤره‌ولرینه قاتیلیم حاضرلیقلاری چرچیوه‌سینده ارمنیستان ایله آمریکا آراسیندا، ارمنیستان‌دا 'ایگل پارتنر ۲۰۲۳' اورتاق مانورو ۱۱-۲۰ سپتامبردا ائدیله‌جک" ایفاده‌لری یئر آلدی.
باخانلیغا باغلی باریش قوروما توغایی "زار" تعلیم مرکزی ایله آدی آچیقلانمایان بیر تعلیم مرکزینده ائدیله‌جگی ایفاده ائدیله‌ن مانورون، باریش قوروما گؤره‌ولری سیراسیندا چاتیشان طرفلر آراسینداکی ثابیتلیگین تامین ائدیلمه‌سی وظیفه‌لرینی ایچردیگی بیلدیریلدی.
مانورون آماجینین، اولوسلارآراسی باریشی قوروما گؤره‌ولرینه قاتیلان بیرلیکلرین بیرلیکده چالیشابیلیرلیک سویه‌سینی گلیشدیرمک، ان یاخشی اداری و تاکتیک خبرلشمه اویقولامالارینین پایلاشیلماسینی تامین ائتمک و ارمنیستان بیرلیگینین ناتو/باریش اوچون اورتاقلیق "عملیات قابیلیتلری آنلاییشی" دگرلندیرمه‌سی چرچیوه‌سینده باریشی قوروما عملیاتلارینا حاضرلیق دورومونو آرتیرماق اولدوغو قید ائدیلدی.