ترامپ اتهاملاری رد ائدیب
امریکانین کئچمیش پرزیدنتی دونالد ترامپ 2020-جی ایلده جورجیا ایالتینده کئچیریلن پرزیدنت سئچکیلرینه موداخیله ایله باغلی اتهاملاری رد ائدیب.
امریکانین کئچمیش پرزیدنتی دونالد ترامپ 2020-جی ایلده جورجیا ایالتینده کئچیریلن پرزیدنت سئچکیلرینه موداخیله ایله باغلی اتهاملاری رد ائدیب.
وکیل استیون سادونون آتلانتا عالی محکمهسینه تقدیم ائتدیگی عریضه ده ترامپین تقصیرلی اولمادیغی اعلان ائدیلیب.
محکمهیه تقدیم ائدیلن ایکی صحیفهلیک سندده "بونونلا رسمی محکمهدن ایمتینا ائدیرم و بو ایشده ایرهلی سورولن اتهاملارا گؤره گوناهکار اولمادیغیمی بیلدیریرم" دئییلیب.
مووافیق عریضه ایله ترامپ گلن هفته کئچیریلهجک ایلکین دینلمهده ایشتیراک حقوقوندان دا ایمتینا ائدیب.
قئید ائدک کی، دونالد ترامپ آوقوستون 15-ده جورجیا ایالتینده 2020-جی ایل سئچکیلرینین نتیجهلرینه موداخیله اتهامی ایله آتلانتا بؤیوک منصفه هئیتی طرفیندن اتهام ائدیلیب و آوقوستون 24-ده اتهام آکتی چرچیوهسینده تسلیم اولوب.
بو محمکه چرچیوهسینده 200 مین دلار وثیقه اؤدهین ترامپین تسلیم اولدوغو زامان توتوقلاما سندی اوچون ایلک دفعه سابیقه فوتوشکیلی چکیلیب.
ترامپ تاریخه سابیقه فوتو شکیلی چکیلن ایلک امریکا پرزیدنتی کیمی دوشوب.
دونالد ترامپ آوقوستون 24-ده تسلیم اولدوقدان سونرا نامیزدلیگی اوچون 7،1 میلیون دولاردان چوخ پول توپلاییب.