بؤیوک بریتانیانین ساوونما ناظیری استعفا وئریب
بو باره‌ده بریتانیانین اسکای نیوز تلویزیونو معلومات یاییب.
2031422
بؤیوک بریتانیانین ساوونما ناظیری بن والاس وظیفه‌سیندن استعفا وئریب.
بو باره‌ده بریتانیانین اسکای نیوز تلویزیونو معلومات یاییب.
او، بونونلا باغلی اؤلکه‌نین باش ناظیری ریشی سوناکا مراجعت ائدیب. حکومت باشچی‌سی بن والاس‌ین استعفاسینی قبول ائدیب. اونون وظیفه‌دن گئتمه‌سی‌نین سببی هله کی، معلوم دئییل.
بو گون بؤیوک بریتانیانین یئنی مدافعه ناظیری‌نین آدی‌نین آچیقلاناجاغی گؤزلنیلیر. بو وظیفه‌یه ان رئال نامیزد حاضیرکی انرژی تهلوکه‌سیزلیگی ناظیری گرانت شپس دیر.
قئید ائدک کی، بن والاس 2019-جو ایلده ساوونما ناظیری تعیین اولونوب.
او، بیر مدت اول دئییب کی، سیاست‌دن بئزیب و وظیفه‌دن گئتمک نیتینده‌دیر.
