گابندان چئوریلیش خبرلری گلیر
گابندا اولوسال تلویزیون بیناسینا گیرهن بیر قروپ عسگر، یؤنهتیمی اله گئچردیکلرینی اعلان ائتدی
نیجرین آردیندان بو دفعه اورتا آفریقا اؤلکهسی گابندان چئوریلیش خبری گلیر.
هفته سونوندا ائدیلهن جمهورباشقانی سئچیم نتیجهلرینین اعلانیندان سونرا اولوسال تلویزیون بیناسینا گیرهن بیر قروپ عسگر، یؤنهتیمی اله گئچردیکلرینی اعلان ائتدی.
خونتاچیلار، سئچیملرینین لغو ائدیلدیگینی، بوتون سرحدلرین بیر سونراکی اعلانا قدر باغلانیلدیغینی، جمهوریتین بوتون قوروملارینین لغو ائدیلدیگی اعلان ائتدی.
خونتاچیلار،
"بو گون، ۳۰ آگوست ۲۰۲۳، قوروملارین گئچیشی و اوناریمی کمیتهسی ساوونما و گوونلیک گوجلری اولاراق، گابن خالقی آدینا و قوروملارین قورونماسینین ضامنی اولاراق، باریشی ساوونمایا قرار وئردیک. مؤوجود رژیمه سون وئردیک" آچیقلاماسینی ائتدی.
گابن سئچیم مرکزینین مؤوجود جمهورباشقانی علی بونگونون یوزده ۶۴،۲۷ سس ایله اوچونجو دؤور اوچون سئچیلدیگینی اونایلاماسیندان قیسا بیر مدت سونرا گلن بو آچیقلامانین آردیندان، باشکند لیبرویلده سلاح سسلرینین یوکسلدیگی ایفاده ائدیلیر.