ترامپین سابقه فوتوگرافی چکیلدی
عدالته تسلیم اولان ترامپین ۴.جو گؤزآلتی ایشلهمینده، توتوقلاما فایلی اوچون ایلک دفعه سابقه فوتوگرافی چکیلدی
سئچیم نتیجهلرینه موداخیله دعویسی چرچیوهسینده آمریکا بیرلشمیش دؤولتلری اؤنجهکی باشقانی دونالد ترامپ، سابقه فوتوگرافی چکیلهن ایلک آمریکا باشقانی اولاراق تاریخه گئچدی.
جورجیا ایالتیندهکی ۲۰۲۰ سئچیم نتیجهلرینه موداخیله ائتدیگی سوچلاماسییلا حاضرلانان ادعانامه چرچیوهسینده عدالته تسلیم اولان ترامپین ۴.جو گؤزآلتی ایشلهمینده، توتوقلاما فایلی اوچون ایلک دفعه سابقه فوتوگرافی چکیلدی. بو، اؤلکه تاریخینده بیر باشقان اوچون ایلک اولما اؤزللیگینی داشیییر.
فولتون بؤلگه حبسخاناسی، بوراخما ایشلهمی سونراسی حبسخانا بیناسیندان چیخیب اؤز اؤزل اوچاغینا میندیکدن سونرا ترامپین توتوقلاما فایلینا قویولان سابقه شکلینی مطبوعاتلا پایلاشدی. شکیلده گولومسهمهیهن ترامپین، جدی بیر ایفاده و چاتیق قاشلارلا باخدیغی گؤرولور.
داها اؤنجه اؤزونه قارشی اوچ آیری دعوی اوچون صلاحیتلی مقاملارا تسلیم اولان ترامپین، هئچ توتوقلاما فایلی اوچون سابقه شکلی چکیلمهمیشدی.
جورجیانین آتلانتا شهرینده، "ایالتدهکی ۲۰۲۰ باشقانلیق سئچیمی نتیجهلرینه موداخیله گیریشیمی" دعویسینی اوزون مدتدیر آراشدیران فولتون بؤلگهسی ساوچیلارینین سوندوقلاری دلیللر و شاهید ایفادهلرینین آردیندان ترامپا یئنی سوچلامالار ائدیلهن ادعانامه ۱۴ آگوستدا آچیقلانمیشدی.
ادعانامهده، ترامپا ۱۳ سوچ یؤنهلدیلمیشدی.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.