لیبیا-دا قارشیدورمالار نتیجهسینده 27 نفر اؤلدو
لیبیا-نین پایتاختی طرابلس-دا ایکی گون داوام ائدن قارشیدورمالاردا 27 نفر اؤلوب، 106 نفر یارالانیب.
لیبیا-نین پایتاختی طرابلس-دا ایکی گون داوام ائدن قارشیدورمالاردا 27 نفر اؤلوب، 106 نفر یارالانیب.
لیبیا-نین پایتاختی طرابلس-دا ایکی گون داوام ائدن قارشیدورمالاردا 27 نفر اؤلوب، 106 نفر یارالانیب. دؤولته تابع اولان ایلکین یاردیم و دستک مرکزیندن وئریلن آچیقلامادا طرابلس-دا دونن باشلایان قارشیدورمالاردا اؤلن و یارالانانلارلا باغلی معلومات وئریلیب. ایکی گوندور داوام ائدن قارشیدورمالاردا 27 نفرین حیاتینی ایتیردیگی، 106 نفرین یارالاندیغی بیلدیریلیب. اؤلنلرین کیملیگی ایله باغلی معلومات وئریلمهییب. قئید ائدک کی، آوقوستون 15-ده طرابلس-ون بعضی بؤلگهلرینده پرزیدنت شوراسینا تابع اولان جینایت و ترورلا موباریزه ایدارهسی "رادا" ایله لیبیا میللی بیرلیک حکومتینه تابع اولان "444 تیپی" آراسیندا توققوشمالار باش وئریب. لیبیا رسمیلری بو گون پایتاختین گونئی ینده و عین زاره بؤلگهلرینده قارشیدورمالارین داوام ائتدیگینی آچیقلاییب. توققوشمالارین سببی ایله باغلی رسمی آچیقلاما وئریلمهییب.