مالی فرانسا وطنداش‌لارینا ویزا وئریلمه‌سینی دایاندیریب
بو باره‌ده مالی خاریجی ایشلر ناظیرلیگی‌نین سوسیال مئدیا حسابیندا معلومات وئریلیب.
نیجر-دن سونرا جونتا رژیمی‌نین ایداره ائتدیگی دیگر افریقا اؤلکه‌سی مالی ده فرانسا ایله ویزا‌لاری دایاندیردیغینی آچیقلاییب.
بو باره‌ده مالی خاریجی ایشلر ناظیرلیگی‌نین سوسیال مئدیا حسابیندا معلومات وئریلیب.
نیجر-ده‌کی حربی چئوریلیش‌دن سونرا فرانسا حکومتی مالی-نی سیاحت ائدیلمه‌مه‌سی توصیه اولونان اؤلکه‌لرین داخیل اولدوغو "قیرمیزی زونا"یا داخیل ائدیب و بو هفته‌نین اولینده فرانسانین باماکو-داکی سفیرلیگی یئنی ویزا مراجعت‌لرینی دایاندیریب.
فرانسانین بو داورانیشینا مالی-دن جاواب گئجیکمه‌ییب. مالی خاریجی ایشلر ناظیرلیگی فرانسانین بو قرارینا "قصاص" اولا‌راق پاریس سفیرلیگینده فرانسا وطنداش‌لاری اوچون یئنی ویزا‌لارین دایاندیریلدیغینی آچیقلاییب. ناظیرلیگین آچیقلاماسیندا فرانسانین بو قراری‌نین بؤیوک سورپریزله قارشیلاندیغی بیلدیریلیب.
قئید ائدک کی، فرانسا ایله مالی آراسیندا موناسیبت‌لر 2020-جی ایلده مالی-ده دؤولت چئوریلیشی نتیجه‌سینده حربچی‌لر حاکمیتی اله کئچیردیک‌دن سونرا پیسلشیب.
دیگر طرف‌دن، فرانسا آدینا ویزا مراجعت‌لرینی قبول ائدن کاپاگو شیرکتی فرانسانین 2022-جی ایلده چئوریلیشین باش وئردیگی و حربی ایداره‌نین یئرلشدیگی بورکینافاسو وطنداش‌لارینا ویزا وئریلمه‌سینی دایاندیردیغینی آچیقلاییب.
ایلگیلی‌لی خبرلر
کنیسه‌نی یاندیرماغا چالیشان شخص اؤلدورولدو
فرانسادا پلیس، بیر کنیسه‌نی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقین‌لاردا 290-دان چوخ اینسان اؤلوب
کنیا-دا داشقین‌لاردا اؤلن‌لرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.
