اکوواس نیجر-ده عسگر یئرلشدیرهجک
نیجرده چئوریلیش گوندمی ایله نیجرنین پایتاختی آبوجادا کئچیریلن اکوواس ایجلاسی باشا چاتیب.
باتی افریقا دؤولتلرینین اقتصادی بیرلیگی (ECOWAS) نیجرده آنایاسا قورولوشونون برقرار اولماسی اوچون احتیاط قوهلرینی آکتیولشدیریر.
نیجر-ده چئوریلیش گوندمی ایله نیجرنین پایتاختی آبوجادا کئچیریلن اکوواس ایجلاسی باشا چاتیب.
ایجلاس دا قبول ائدیلن قرارا اساساً، اکوواس، عضو دؤولتلرین ساوونما ناظیرلرینه نیجرده "آنایاسا قورولوشونون قورولماسی اوچون" احتیاط قوهلری حاضیرلاییب یئرلشدیرمگی تاپشیریب.
احتیاط قوهلرین دقیق هارادا یئرلشدیریلهجگی ایله باغلی معلومات پایلاشیلماییب.
اکوواس، عضو اؤلکهلرین عسگرلرینی یئرلشدیریلمهیه حاضیر وضعیته گتیرمک قرارینا باخمایاراق، پروبلئمی دانیشیقلار یولو ایله حل ائتمهیه حاضیر اولدوغونو تکرارلاییب.
ایجلاسا صدرلیک ائدن اکوواس-ین نؤوبتی صدری بولا تینوبو دئییب: "دیپلوماتیک دانیشیقلار و دیالوق بیزیم یاناشمامیزین اساسینی تشکیل ائدیر" دئییب.
تینوبو دانیشیقلار یولونون هله ده آچیق اولدوغو مئساژینی وئررکن، سون چاره اولاراق گوج تطبیقینین هله ده ماسادا اولدوغونو وورغولاییب.
اکوواس ایجلاسینین سونوندا آچیقلانان بیاناتدا هم دانیشیقلار، هم ده حربی موداخیله واریانتلارینین اولدوغونا دقت چکیلهرک، بحرانین باریش یولو ایله حلی اوچون بوتون واریانتلارین ماسا اوزرینده اولدوغو خاطیرلادیلیب.
2003-جو ایلده فیل دیشی ساحلی و لیبریایا، 2012-جی ایلده گینه بیسائو-یا و 2013-جو ایلده مالی-یه باریش گوجو کیمی داخیل اولان و ثابتلیگی قوروماغا چالیشان اکوواس-ین احتیاط قوهلری بحران دؤورونده عضو دؤولتلرین گؤندردیگی عسگرلردن عبارتدیر.
اکوواس قوهلرینین هر هانسی بیر اؤلکهیه موداخیله ائتمهسی اوچون اورتاق قرار قبول ائتمهلی و یا افریقا بیرلیگی طرفیندن تعیین اولونمالیدیر.
حاضیر قوهسی اولمایان اکوواس عضو اؤلکهلردن تقریباً 2750 نفردن عبارت "ضربتی قوه" و 3750 نفرلیک "اساس قوه" جلب ائده بیلر.
سیویل شخصلر، پولیس و عسگرلردن عبارت احتیاط قوهلرینین مالی، نیجریه و غنا-دا تعلیم مرکزلری یئرلشیب.