بنگلادش-ده سئل و تورپاق سوروشمهلری نتیجهسینده 700 مین اینسان قاپالی قالیب
بنگلادش-ین گونئی – دوغوسوندا تأثیرلی اولان موسمی یاغیشلارینین سبب اولدوغو سئل و تورپاق سوروشمهلری نتیجهسینده 700 مین اینسان قاپالی قالیب.
بنگلادش-ین گونئی – دوغوسوندا تأثیرلی اولان موسمی یاغیشلارینین سبب اولدوغو سئل و تورپاق سوروشمهلری نتیجهسینده 700 مین اینسان قاپالی قالیب.
رسمیلر تخلیه اولونماغی گؤزلهین بو اینسانلارین سیغیناجاق، تمیز سو و قیدا احتیاجلارینین ان یوکسک سویهده اولدوغونو بیلدیریب.
بئش گوندور الکتریک وئریلمهین و تورپاق سوروشمهلری سببیله یوللارین باغلاندیغی باندربان-نین موسمی یاغیشلاریندان ان چوخ تأثیرلنن بؤلگه اولدوغونو ایفاده ائدن رسمیلر چاتوگرام (چایتاگونگ)، بانداربان، رانگاماتی و کاکاس بازار بؤلگهلرینده جمعی 70 مین اینسانین خلاص ائدیلهرک سیغیناجاقلارا یئرلشدیریلدیگینی قئید ائدیبلر.
رسمیلر ان آزی 200 روهینگیا قاچقینین سوروشمه تهلوکهسی اولان اراضیلردن تهلوکهسیز سیغیناجاقلارا یئرلشدیریلدیگینی آچیقلاییب.
قئید اولونوب کی، چایتاگونگ اراضیسیندن کئچن اتوبانین نقلیاتین حرکتی اوچون باغلانیب.
بنگلادش متئولوژی تشکیلاتیندان وئریلن آچیقلامادا لئیسان یاغیشلارین آوقوستون 15-دک داوام ائدجگی، آلت یاپینین غیری-کافی اولماسی سببیندن داشقینلارین اولا بیلهجگی بیلدیریلیب.
چرشنبه آخشامی بنگلادش-ده سئل و تورپاق سوروشمهسی نتیجهسینده 4-و آراکانلی مسلمان قاچقین اولماقلا 7 نفر هلاک اولوب.
ایلگیلیلی خبرلر
کنیسهنی یاندیرماغا چالیشان شخص اؤلدورولدو
فرانسادا پلیس، بیر کنیسهنی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقینلاردا 290-دان چوخ اینسان اؤلوب
کنیا-دا داشقینلاردا اؤلنلرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.