لهستان ساوونما ناظیرلیگی سرحده علاوه قوشون‌لارین گؤندریلمه‌سینی تصدیقله‌ییب
لهستان ساوونما ناظیرلیگی سرحد محافظه تشکیلاتی‌نین طلبی ایله بلاروسلا سرحده علاوه قوشون‌لارین گؤندریلمه‌سینی تصدیقله‌ییب.
لهستان ساوونما ناظیرلیگی سرحد محافظه تشکیلاتی‌نین طلبی ایله بلاروسلا سرحده علاوه قوشون‌لارین گؤندریلمه‌سینی تصدیقله‌ییب.
لهستان خبر آژانسی پاپ-این وئردیگی معلوماتا گؤره، ناظیرلیگین آچیقلاماسیندا "ساوونما ناظیری ماریوش بلاشاک سرحد محافظه‌نین علاوه عسگر طلبینی قبول ائتدی. لهستان -بلاروس سرحدینده‌کی دینامیک وضعیت و طلب سببیله ناظیر ماریوش بلاشاک علاوه عسگرلرین گؤندریلمه‌سینی امر ائتدی" ایفاده‌لریندن ایستیفاده ائدیلیب.
قئید ائدک کی، بو هفته‌نین اولینده لهستان سرحد محافظه‌سی بلاروس سرحدینه علاوه 1000 حربچی گؤندریلمه‌سینی ایسته‌ییب.
ورشو رهبرلیگی بلاروس سرحدینده الکترون حصار دا چکیب.
"واگنر" مزدورلاری سون هفته‌لرده لهستان سرحدی یاخینلیغیندا موشاهیده ائدیلیب و باش ناظیر ماتئوش موراویسکی بیلدیریب کی، بو حادثه ناتو-نون دوغو جیناهیندا وضعیتی ثابت‌سیزلش‌دیرمک مقصدی داشیییر.
لهستان مطبوعاتی‌‌نین معلوماتینا گؤره، حاضیردا اؤلکه‌نین بلاروسلا سرحدینده 2000 عسگر، همچنین یوزلرله پولیس و کئشیکچی یئرلشدیریلیب.
