نیجرده سون وضعیت

جولای‌ین 26-دا نیجرده ​​چئوریلیش ائدن حربی جونتا یئنی بیانات یاییب.

بیاناتدا فرانسا ایله ایمضا‌لانان بوتون حربی امکداش‌لیق و پروتوکول‌لارا سون قویولدوغو آچیقلانیب.

نیجرین پاریس، ابوجا و واشنگتن-داکی سفیرلری‌نین ده ایشدن چیخاریلدیغی بیلدیریلیب.

بیاناتدا کودتا رهبرلیگی باتی افریقا دؤولت‌لری اقتصادی بیرلیگینی (ECOWAS) دا تهدید ائده‌رک، نیجر حربی عملیات اولاجاغی تقدیرده عضو دؤولت‌لردن بیرینه قفیل هوجوم ائده‌جک‌لرینی بیلدیریب.

نیجرده ​​"فرانس 24" کانا‌لی‌نین و فرانسانین RFI رادیوسونون دا یاییم‌لاری کسیلیب. فرانسا خاریجی ایشلر ناظیرلیگی نیجرده‌کی حربی کودتانین بو کانال‌لارین یاییمینی دایاندیرماسینی پیسله‌ییب.

نیجر پرزیدنتی محمد بازوم امریکانین واشنگتن پست قزئتی اوچون یازدیغی مقاله‌ده اولوسلار آراسی توپلومدان و امریکادان کمک ایسته‌ییب.

بازوم چئوریلیشین دونیا اوچون داغیدیجی نتیجه‌لری اولاجاغینی وورغولاییب.

اکوواس اؤلکه‌لری‌نین قرارگاه رئیس لری نیجر-ین پایتاختی ابوجادا گؤروشوب‌لر.

یاییلان بیاناتدا نیجرده دموکراسینی برپا ائتمک عزمی وورغولانیب.

روسیانین مزدور "واگنر" قروپونون لیدئری یوگنی پریگوژین نیجرده حربی چئوریلیشه دستک بیاناتی وئریب.

نیجر خالقی‌نین یوخسوللوغا سوروکلندیگینی ادعا ائدن پریگوژین "نیجرده ​​دییشیک‌لیک لازیم ایدی" دئییب.