چین-ده داشقین‌لار نتیجه‌سینده 1،2 میلیون اینسان تخلیه ائدیلدی
چین-ین قوزیی ینده‌کی هیبئی ایالتینده دوکسوری قاسیرغاسی‌نین یاراتدیغی داشقین‌لار سببیندن 1،2 میلیون اینسان تخلیه ائدیلیب.
چین-ین قوزیی ینده‌کی هیبئی ایالتینده دوکسوری قاسیرغاسی‌نین یاراتدیغی داشقین‌لار سببیندن 1،2 میلیون اینسان تخلیه ائدیلیب.
چین-ین پایتاخت پکنی و تیانجین شهرینی احاته ائدن هیبی ایالتینده داشقین‌لارا قارشی موباریزه اوچون 8 توپلاما حوزه‌سی و موختلیف اؤلچولو 155 سو انباری یارادیلیب.
همین بؤلگه‌لرده یاشایان 850 مین نفر داخیل 1،2 میلیون وطنداش، موقتی اولا‌راق تهلوکه‌سیز زونا‌لاردا سیغینا‌جاق‌لارا یئرلشدیریلیب.
هیبی فوق العاده حال‌لار ایداره‌سی "پکن و تیانجین اوزرینده تضییقی آزالتماق اوچون" 1،8 میلیارد متر مکعب سویون ایالت‌ده‌کی سو توپلاما ساحه‌لرینه بوراخیلدیغینی آچیقلاییب.
قئید ائدک کی، چین-ده 1997-جی ایلده قبول ائدیلمیش داشقینلا موباریزه قانونو ایله معین ائدیلمیش پلانا اساساً، اؤلکه اوزره 98 داشقین حوزه سیندن 13-و هیبی ایالتینده یئرلشیر.
چوخ‌لو سایدا شهر، قصبه و کند سولار آلتیندا قالیب.
چوخ سایدا قصبه، شهر و کند ساری چایین چوخ سایدا قول‌لاری‌نین بیرلشدیگی ایالتین سو حوزه لرینده سو آلتیندا قالیب.
پکن-ین گونئی – باتی سینداکی 600 مین اها‌لیسی اولان کوئوکو شهرینده 300 ایله 400 میلیون متر مکعب آراسیندا سو توپلاندیغی تخمین ائدیلیر.
متخصص‌لر بیلدیریرلر کی، یاغینتی‌لارین شدتی‌نین آزالماسینا باخمایا‌راق، داشقین ساحه‌لرینده ییغیلان سویون چکیلمه‌سی آشاغی اراضی‌لرده بیر آی چکه بیلر.
1997-جی ایلده قبول ائدیلمیش قانون داشقین حوزه لرینده یاشایان وطنداش‌لارا دیمیش ضیانین اؤدنیلمه‌سینی نظرده توتور.
بائوینگ شهرین و شیائوگان یئنی بؤلگه سیندکی داشقین‌لارین آرا‌دان قالدیریلماسی ایشلرینه نظارت ائدن هیبئی کمونیست پارتیاسی‌نین کاتیبی نی یوفینگ "بیز پکن-ین خندیی اولمالیییق" سؤزلری غضبه سبب اولوب.
چین-ین قوزیی ینده تأثیرلی اولان دوکسوری قاسیرغاسی سببیله پایتاخت پکن و اطرافی سون 140 ایلین ان گوجلو یاغیشی ایله اوزلشرکن، پکن-ده 11، هیبئی ایالتینده ایسه 9 نفر داشقین‌لار نتیجه‌سینده حیاتینی ایتیریب.
