ایتالیادا مئشه یانغین‌لاری‌نین سؤندورولمه ایشلری داوام ائدیر
ایتالیادا گونئی بؤلگه‌لرده و آدا‌لاردا هفته‌نین اولیندن باشلایان مئشه یانغین‌لاری و بو یانغین‌لارین سؤندورولمه‌سی اوچون فعالیت‌لر داوام ائدیر.
ایتالیادا گونئی بؤلگه‌لرده و آدا‌لاردا هفته‌نین اولیندن باشلایان مئشه یانغین‌لاری و بو یانغین‌لارین سؤندورولمه‌سی اوچون فعالیت‌لر داوام ائدیر.
ایتالیا مطبوعاتیندا یئر آلان خبرلره گؤره، سیسیل آداسی‌نین باتی سینداکی پالرمو شهری یاخینلیغیندا باش وئرن مئشه یانغین‌لارین قارشی‌سی‌نین آلینماسی اوچون ایشلر بو گون ده داوام ائدیب.
آدانین کاتانیا شهری یاخینلیغیندا، اتنا وولکانی میللی پارکی سرحدلرینده‌کی کند اراضی‌سینده گئجه ساعات‌لاریندا باشلایان یانغین A18 اتومبیل یولونا کئچیب.
آتومبیل یول‌لارینا مسئول قورومو آناس آدا‌دان کئچن یول‌لاردا یانغین تهلوکه‌سی‌نین آرا‌دان قالدیریلدیغینی و نقلیاتین حرکتی‌نین برپا اولوندوغونو آچیقلاییب.
پوگلیا-دا دا ویئسته یاخینلیغینداکی یانغی‌نین قارشی‌سی آلینیب، آلتا مورگیا میللی پارکیندا ایسه یانغین بؤیوگوب. بورا‌داکی یانغینلا علاقه‌دار پوگلیا بؤلگه‌سی علاوه یانغین سؤن‌دورن‌لر اوچون مراجعت ائدیب.
ساردینیانین ساساری شهری یاخینلیغیندا یانغین داوام ائدیر. یانغینسؤن‌دورن‌لر بؤلگه‌ده یانغینی یئردن و هاوا‌دان سؤن‌دورمک اوچون سعی‌لرینی داوام ائتدیریرلر.
دیگر طرف‌دن، کالابریا بؤلگه‌سینده بیر کندده یانغین تؤرتمک ایسته‌ین بیر شخص تهلوکه‌سیزلیک قوه‌لری‌نین پیلوت‌سوز اوچان آپاراتی طرفیندن تثبیت ائدیله‌رک یاخالانیب.
جولای‌ین 26-دا آخشام ساعات‌لاریندا سیسیل-ین سیراکوسای ایالتی سرحدلری داخیلینده مئشه‌لیک اراضیده یانغین سؤندورمه فعالیت‌لرینه قاتیلان هلیکوپترله علاقه‌نین کسیلدیگی بیلدیریلیب.
هلیکوپترین قضایا اوغرادیغی، پیلوتون ساغ اولدوغو قئیده آلینیب.
ایتالیانین باش ناظیری جورجیا ملونی " فیسبوک" حسابیندا بؤلگه‌لردن فوق العاده وضعیتین اعلان ائدیلمه‌سی طلب‌لرینی تدقیق ائتدیک‌لرینی پایلاشیب.
دیگر طرف‌دن، ایتالیا مئدیاسی حکومتین اؤلکه‌نین شیمالیندا گوج‌لو دولو و فیرتینا‌دان ضرر چکمیش لمباردی و ونتو بؤلگه‌لری ایله مئشه یانغین‌لاری‌نین تأثیرینه معروض قالان سیسیل، کالابریا و پوگلیا اوچون "فوق العاده وضعیت" اعلان ائده بیله‌جگینی یازیب.
ایلگیلی‌لی خبرلر
یول قیراغیندا ۱۰ نفرین جسدی تاپیلدی
مکزیده آکاپولکو شهرینده‌کی املیانو زاپاتا محله‌سینده، چوخ ساییدا جسد تاپیلدیغی بیلدیریلدی
