نیجرده عسگر یؤنتیمی اله آلدی
اؤزلرینه "وطنی قوروما میللی شوراسی" آدینی وئره‌ن بیر قروپ عسگر، بیر قرارگاه‌دا چکدیکلری و دؤولت تلویزیونوندا یایینلانان ویدئودا چئوریلیش بیلدیریسی اوخودو
نیجرده عسگر یؤنتیمه ال قویدوغونو بیلدیردی.
اؤزلرینه "وطنی قوروما میللی شوراسی" آدینی وئره‌ن بیر قروپ عسگر، بیر قرارگاه‌دا چکدیکلری و دؤولت تلویزیونوندا یایینلانان ویدئودا چئوریلیش بیلدیریسی اوخودو.
آلبای آمادوو آبدرامانین اوخودوغو بیلدیریده، گئده‌رک پیسلشه‌ن گوونلیک وضعیتی و اؤلکه‌نین ایچیندن گئچدیی اجتماعی-اقتصادی بحران سببی ایله جمهورباشقانی محمد بازوومون دئوریلدیگی و آنایاسانین آسقییا آلیندیغی بیلدیریلدی.
بیلدیرده، ۲۲.۰۰-۰۵.۰۰ ساعاتلارین‌دا کوچه‌یه چیخما قاداغاسی تطبیق اولوناجاغی و بوتون سرحدلرین باغلانیلدیغی قید ائدیلدی.
جمهورباشقانی محمد بازووم، سحر ساعاتلارین‌دا جمهورباشقانلیغی گؤزتچی آلایی عنصورلاری طرفین‌دن گیروو آلینمیشدی.
خالق، چئوریلیشی انگلله‌مک اوچون کوچه‌یه چیخمیش و بازوومون سربست قالماسی اوچون اعتراض گؤستریسی تشکیل ائتمیشدی.
چئوریلیشین آرخاسین‌دا تخمیناً ۱۰ ایلدیر جمهورباشقانی گؤزتچی آلایی باشچیسی اولاراق وظیفه یئرینه یئتیره‌ن ژنرال عمر تچیانینین اولدوغو ایفاده ائدیلیر.
بازوومون سون گونلرده، اؤنجه‌کی جمهورباشقانی محمدو ایسوفو دؤنمین‌ده ده عینی وظیفه‌ده اولان تچیانینی وظیفه‌دن آلماق ایسته‌دیگی ادعا ائدیلیردی.
