ترور سالدیریلاریندا۱۰ نفر حیاتینی ایتیردی

بورکینا فاسودا تشکیل ائدیله‌ن ۲ آیری ترور سالدیریسیندا، ایلک بیلگیلره گؤره ۱۰ نفر حیاتینی ایتیردی.
یئرلی مطبوعات‌دا چیخان خبرلره گؤره، کیملیگی بیلینمه‌ین سلاحلی شخصلر بووکله دو موهون بؤلگه‌سین‌ده‌کی کوسسی ائلچه‌سینه سالدیری ائتدی. حادثه‌ده ۶ نفر حیاتینی ایتیردی، ۴ نفر یارالاندی.
تروریستلرین عینی گون فیل دیشی ساحلی سرحدین‌ده‌کی توندورا قصبه‌سینه تشکیل ائتدیگی سالدیری‌دا دا ۴ نفر حیاتینی ایتیردی.
بورکینا فاسودا ۲۰۱۵ده اورتایا چیخان گوونلیک بحرانی نتیجه‌سینده ۲ میلیون‌دان چوخ اینسان ائولرینی ترک ائتمک مجبوریتینده قالدی. حکومت بیلگیلرینه گؤره بو شخصلردن یالنیز ۱۲۰ مینی ائولرینه قاییدابیلدی.
باشباخان آپولینایره ژواچیمسون کیلم ده تامبلا، می‌ آییندا دانیشماسیندا، اؤلکه تورپاقلارینین یوزده ۶۵ینین دؤولت کنترلوندا اولدوغونو سؤیله‌میشدی.