آجلیق طریقتینده اؤلو ساییسی ۳۷۲  نفره یوکسلدی

کنیادا، "آجلیق طریقتی" سوروشدورماسی چرچیوه‌سینده تاپیلان جسد ساییسی ۳۷۲  نفره یوکسلدی.
بؤلگه کمیسری رهودا اونیانچا، مزار آختارما ایشلرین‌ده یئنی جسدلر تاپدیقلارینی آچیقلادی.
اونیانچا، تاپیلان جسد ساییسینین ۳۷۲ نفره چیخدیغی بیلگیسینی پایلاشاراق، آوریل‌دن بو یانا طریقتین الین‌دن ۹۵ نفرین قورتاریلدیغینی قید ائتدی.
گوود نیوز اینترنشنال کلیسه‌سی کشیشی پل مک‌کنزی حاقین‌دا، کلیسه‌سین‌ده‌کی اینسانلارا، آچ قالیب حضرت عیسی‌یا قوووشمالارینی وعد ائد‌رک بیر چوخ اینسانین اؤلومونه سبب اولدوغو ادعاسییلا سوروشدورما باشلادیلمیشدی.
طریقتین لیدئری مک‌کنزی، سوروشدورمانین باشین‌دا پلیسلره ۱۰۰۰ نفرین جانسیز بدنینی تاپاجاقلارینی سؤیله‌میشدی.