ناتو لیدئرلری ایجلاسین ایکینجی گونونده بیر آرایا گلیب
لیتوانیانین پایتاختی ویلنیوس-دا کئچیریلن ایجلاسین ایکینجی گونونده ناتو-یا عضو اؤلکه‌لرین لیدئرلری بیر آرایا گلیب.
لیتوانیانین پایتاختی ویلنیوس-دا کئچیریلن ایجلاسین ایکینجی گونونده ناتو-یا عضو اؤلکه‌لرین لیدئرلری بیر آرایا گلیب.
جمهور باشقانی رجب طیب اردوغان قوزیی آتلانتیک شوراسیندا دؤولت و حکومت باشچی‌لاری سویه‌سینده تورکیه-نی تمثیل ائدیر.
ایجلاسدا 31 عضو اؤلکه‌نین لیدئرلریندن باشقا، سوئد ده ناتو عضو‌لوگونه دعوت اولونان اؤلکه کیمی ایشتیراک ائدیر.
بوندان علاوه، ناتو-نون هیند-ساکیت اوقیانوس طرفداش‌لاری ژاپونیا، گونئی کره، آوسترالیا و یئنی زلاندیا ایله آوروپا بیرلیگی دا ایجلاسدا تمثیل اولونور.
ایجلاسین آچیلیشیندا چیخیش ائدن ناتو-نون باش کاتیبی ینس استولتنبرگ بیلدیریب کی، ناتونون آوروپا و آتلانتیک-ده بولگه‌سل اتفاق‌دیر، لاکین اوزلشدیگی پروبلئم‌لر قلوبال کاراکتئر داشیییر.
استولتنبرگ یورو-آتلانتیک و هیند-ساکیت اوقیانوس بولگه لرینده باش وئرن حادثه‌لرین بیر-بیری اوچون اهمیت‌لی اولدوغونو، اوکراینا‌داکی محاربه‌نین قلوبال عکس-صدا دوغوردوغونو، ترور و سیبر تهدیدلرین سرحد تانیمادیغینی، آوتوریتار رژیم‌لرین گئتدیکجه یاخینلاشدیغینی بیلدیریب.
"بیز قایدا‌لارا اساس‌لانان قلوبال دوزن اوچون بیرلیکده اولمالیییق. اونا گؤره ده طرفداش‌لارین ناتو-نون بوگونکو ایجلاسیندا ایشتیراک ائتمه‌سی واجیب‌دیر"، -دئیه استولتنبرگ قئید ائدیب.
