بمت: گوترش تاخیل سازیشینی اوزاتماق اوچون الیندن گلنی ائدیر

بمت-نین باش کاتیبی آنتونیو گوترش تاخیل سازیشی‌نین، او جمله‌دن روسیا ارزاق و گوبره‌لری‌نین صادراتی اوزره راضیلاشما‌لارین اوزادیلماسی و تام ایجراسی اوچون مومکون اولان هر شئیی ائدیر.

بو باره‌ده تشکیلاتین باش کاتیبی‌نین سؤزچوسو استفان دوجاریک دئییب.

"حاضیردا هئچ بیر سیاحت اعلانیم یوخ‌دور، اما سیزه دئیه بیلرم کی، من بو سحر باش کاتیبله بو (تاخیل سازیشی) حاقدا دانیشمیشام. ایستر قارا دنیز تاخیل تشببوسو، ایسترسه ده آنلاشما سندی اولسون، دونیا آجلیغی ایله موباریزه‌نین اهمیتینی نظره آلا‌راق، بوتون راضیلاشما‌لار داوام ائدیر و تام ایجرا اولونور"، - او قئید ائدیب.

"بیز بوتون اساس طرف‌لرله، خصوصاً ده روسیا، اوکراینا و تورکیه ایله علاقه ساخلاییریق"، - بمت رسمی‌سی علاوه ائدیب.