آجلیق طریقتی سوروشدورماسیندا اؤلو ساییسی آرتیر

کنیا پلیسی، "آجلیق طریقتی" سوروشدورماسی چرچیوه‌سین‌ده، ۱۲ نفرین داها جانسیز بد‌نینی تاپدی.
ایچ ایشلری باخانی کیتوره کیندیی، آوریل‌دن بو یانا سوره‌ن سوروشدورمادا ۴۰ توپلو مزار تاپیلدیغینی و اؤلنلرین ساییسینین ۳۵۱ نفره یوکسلدیگینی ایفاده ائتدی.
کلیسه‌نین اولدوغو مئشه‌ده دونن ائدیله‌ن قازینتیلاردا ۱۲ جسد داها تاپدیقلارینی بیلدیرن باخان کیندیی، اؤلکه‌ده بیر داها بونا بنزر بیر تراژ‌دینین یاشانماماسی اوچون بوتون تدبیرلرین آلیناجاغی سؤزونو وئردی.
گوود نیوز اینترنشنال کلیسه‌سی کشیشی پل مک‌کنزینین کلیسه‌سین‌ده‌کی اینسانلارا آچ قالیب حضرت عیسی‌یا قوووشمالارینی وعد ائد‌رک بیر چوخ اینسانین اؤلومونه سبب اولدوغو ادعاسییلا سوروشدورما باشلادیلمیشدی.
طریقتین لیدئری مک‌کنزی، سوروشدورمانین باشیندا پلیسلره ۱۰۰۰ نفرین جانسیز بد‌نینی تاپاجاقلارینی سؤیله‌میشدی.
طریقته قارشی عملیات‌دا ۴۵ نفر گؤزآلتینا آلینارکه‌ن، ۹۵ نفر ده مئشه‌دن قورتاریلمیشدی.
اورتایا چیخان قالماقال سونراسیندا کنیا پلیسی، چوخ ساییدا طریقت و قروپا قارشی عملیات تشکیل ائتمیشدی.