قانونسوز مهاجیرلری داشییان 3 قاییق ایتکین دوشوب
سنگال-دان 15 گون اول یولا دوشن آزی 300 قانونسوز مهاجیری داشییان 3 قاییق ایتکین دوشوب.
سنگال-دان 15 گون اول یولا دوشن آزی 300 قانونسوز مهاجیری داشییان 3 قاییق ایتکین دوشوب.
15 گون اول سنگال ساحللریندن کانار آدالارینا اوزن 300-دن چوخ قانونسوز مهاجیرین اولدوغو 3 قاییغین آتلانتیک اوقیانوسوندا ایتدیگی بیلدیریلیب.
مهاجیرلره کؤمک ائتمک اوچون فعالیت گؤسترن ایسپانیا غیری - حکومت تشکیلاتی " کامیناندو فرونتراس"ین سؤزچوسو هلنا مالنو رویترز آژانسینا بیلدیریب کی، 15 گون اول سنگال-دان ایسپانیانین قناری آدالارینا یولا دوشن و 300-دن چوخ قانونسوز مهاجیری داشییان 3 قاییق آتلانتیک اوقیانوسونودا ایتیب.
هلنا مالنو 15 گون اول سنگال-ین گونئی یندهکی کافونتین بؤلگهسینین ساحللریندن یولا دوشدوگو ادعا ائدیلن قاییقلاردان بیرینده 200-ا یاخین، دیگر ایکی قاییقدا 65 و 60-آ یاخین قانونسوز مهاجیرین اولدوغو معلوماتینی پایلاشیب.
قوزیی افریقا ساحللریندن ایسپانیانین قناری آدالاری ایستیقامتینده قانونسوز کؤچ سون ایللرده ان چوخ ایستیفاده ائدیلن مسیرلردن بیری اولسا دا، خصوصیله یای آیلاریندا بورادا آخینین داها دا چوخ اولدوغو موشاهیده ائدیلیر.
بیرلشمیش میللتلر تشکیلاتینین اولوسلار آراسی کوچ تشکیلاتینین معلوماتلارینا گؤره، 2022-جی ایلده 22-سی اوشاق اولماقلا ان آزی 559 غیری-قانونی کوچمن قناری آدالارینا چاتماغا چالیشارکن حیاتینی ایتیریب.
" کامیناندو فرونتراس" غیری-حکومت تشکیلاتینین معلوماتینا گؤره، کئچن ایل بو یول دا حیاتینی ایتیرن غیری-قانونی کوچمن لرین سایی 1784 اولاراق قئیده آلینیب.