"آمریکا یئرلیلردن آلینان تورپاقلار اوزرینه قورولدو"
آمریکالی دوندورما شیرکتی بن & جری، ۴ جولای آمریکا بیرلشمیش دؤولتلری موستقیللیک گونو سببی ایله بیر مئساژ یاییملادی
آمریکالی دوندورما شیرکتی بن & جرینین، ۴ جولای آمریکا بیرلشمیش دؤولتلری موستقیللیک گونو سببی ایله یاییملادیغی مئساژیندا اؤلکهنین "یئرلیلردن آلینان تورپاقلار اوزرینه قورولو" اولدوغونو سؤیلهمهسی دارتیشمالارا یول آدی.
بن اند جری، مئساژیندا تعطیلده بعضی گئرچکلرین گؤرمزلیکدن گلیندیگینی دیله گتیرمیشدی.
شیرکت مئساژدا،
"۴ جولایدا یاخشی بیر گئچید، لذتلی مانقالی و هیجان وئریجی بیر هاوادا فیشنگ گؤستریسینی کیم سئومز؟ بونونلا بیرلیکده، بوتون بونلارلا باغلی تک پروبلئم، دقتلری بو خالقین دوغوشویلا ایلگیلی تمل بیر حقیقتدن اوزاقلاشدیرابیلمهسی: آمریکا، یئرلیلردن زورلا آلینان تورپاقلار اوزرینه قورولدو. بو ایل، اونلاری قایتارماغی تعهد ائدک" ایفادهلری پایلاشیلمیشدی.
شیرکت، باشدا، گونئی داکوتا ایالتینده اولان و آمریکانین ایلک قوروجو ۴ باشقانینین هیکللری اولان مشهور مونت راشمور میللی پارکی اولماق اوزره یئرلیلره عاید قوتسال تورپاقلارین گئری وئریلمهسی چاغریسی ائتمیشدی.
سوسیال مئدیا اوزریندن شیرکته تپکی وئرهن بعضی ایستیفادهچیلر، من & جری اوچون بایکوت چاغریسی ائتدی.
سوسیال مئدیا ایستیفادهچیلری، آیریجا شیرکتی "یئرلیلردن اوغورلانمیش تورپاقلار" اوزرینده ایش گؤرمکله تنقید ائتدی.