شولتس ایله زلنسکی آراسیندا تلفون دانیشیغی اولوب
آلمانیا باش ناظیری اولاف شولتس اوکراینا پرزیدنتی ولودیمیر زلنسکی ایله اوکراینا‌داکی وضعیتله باغلی تلفون دانیشیغی آپاریب.
آلمانیا باش ناظیری اولاف شولتس اوکراینا پرزیدنتی ولودیمیر زلنسکی ایله اوکراینا‌داکی وضعیتله باغلی تلفون دانیشیغی آپاریب.
آلمانیا حکومتی‌نین سؤزچوسو استفان سیبرت‌ین یازیلی آچیقلاماسینا گؤره، شولتس و زلنسکی‌نین تلفون دانیشیغیندا اوکراینا‌داکی سیاسی، حربی و اینسانی وضعیت موذاکیره اولونوب.
باش ناظیر بیر داها اؤلکه‌سی‌نین "روسیانین داوام ائدن تجاوزو قارشی‌سیندا" اوکراینا ایله "سارسیلماز" هم رای‌لیگینی تکرارلاییب.
آلمانیا باش ناظیری وورغولاییب کی، آلمانیا آوروپا و اولوسلار آراسی طرفداش‌لارلا سیخ امکداش‌لیقدا حربی دستک ده داخیل اوکراینایا دستک وئرمه‌یه داوام ائده‌جک.
زلنسکی ده آلمانیا حکومتینه حربی یاردیما، خصوصاً ده اوکراینانین هاوا هوجومون‌دان ساوونماسینی، او جمله‌دن آغیر سلاح‌لاری گوجلندیرمه‌سینه گؤره تشککور ائدیب.
شولتس و زلنسکی بمت-نین حمایه‌سی آلتیندا قلوبال ارزاق تأمیناتی‌نین یاخشیلاشدیریلماسینا کؤمک ائدن تاخیل دهلیزی سازیشی‌نین ژوئن‌ین 17-ده یئنی‌لنه‌رک داوام ائتدیریلمه‌سینه چاغیریب‌لار.
ایکی لیدر یاپیجی مصلحتلشمه‌لری داوام ائتدیرمه‌یه و خصوصیله ده باریش یولو ایله حله عمومی دستک مقصدیله سیخ علاقه ساخلاماغا راضیلاشیب‌لار.
ایلگیلی‌لی خبرلر
کنیسه‌نی یاندیرماغا چالیشان شخص اؤلدورولدو
فرانسادا پلیس، بیر کنیسه‌نی یاندیرماغا چالیشدیغی ادعا ائدیلن شخصی اؤلدوردو
کنیا-دا داشقین‌لاردا 290-دان چوخ اینسان اؤلوب
کنیا-دا داشقین‌لاردا اؤلن‌لرین سایی 291-ا یوکسلیب، 75 نفر ایتکین دوشوب، داها 188 نفر یارالانیب.
