فرانسادا آکسیا ایشتیراکچی‌لاری آراسیندا ساخلانیلان‌لارین سایی سرعتله آرتیر

فرانسادا اؤتن گئجه پولیسین گولله‌لدیگی الجزایر اصیللی 17 یاش‌لی سوروجونون اؤلوموندن سونرا یارانان اغتیشاش‌لارا گؤره 72 نفری ساخلانیلیب.

بو باره‌ده BFMTV کانا‌لی معلومات یاییب.

قئید ائدیلیر کی، "سون گئجه عرضینده 24-و پاریسده اولماقلا 72 نفر ساخلانیلیب".

بازار ائرته‌سینه کئچن گئجه اؤلکه‌ده بون‌لارین سایی 160 اولوب.

قئید ائدک کی، ایچ ایشلر ناظیرلیگی‌نین معلوماتینا گؤره، جولای‌ین 2-نه کئچن گئجه فرانسادا کوتلوی اغتیشاش‌لارین 719 ایشتیراکچی‌سی ساخلانیلیب. قارشیدورما زامانی 45 پولیس و ژاندارم یارالانیب. اؤتن گئجه اولدوغو کیمی 45 مین آساییش کئشیکچی‌سی سفربر ائدیلیب. عمومی‌لیکده، فرانسادا اغتیشاش‌لار باشلایان‌دان بری 3،5 مینه یاخین آدام ساخلانیلیب.