فرانسادا سون دوروم
فرانسادا پلیسین بیر گنجی اؤلدورمه‌سینین آردین‌دان اعتراضلار داوام ائدیر
فرانسا جمهورباشقانی امانوئل مکرون، حکومته اؤلکه‌ده نظمین یئنی‌دن تامین ائدیلمه‌سی اوچون هر شئیی ائتمه تاپشیریغی وئردی.
اؤلکه‌ده پلیسین بیر گنجی اؤلدورمه‌سینین آردین‌دان اعتراضلار داوام ائدیر.
گئجه، نانتر شهرین‌ده گؤستریلر چرچیوه‌سین‌ده ۴۹ نفر گؤزآلتینا آلیندی.
نوی-سور-مرن شهرین‌ده ده پلیس آکتیویستلره بیبر گازییلا موداخیله ائتدی.
لیون شهرین‌ده ایسه پلیس آشیری ساغچی قروپو بیبر گازییلا داغیتدی.
جمهورباشقانی امانوئل مکرون، اؤلکه‌ده‌کی وضعیتی دانیشماق اوزره باشباخان الیزابت بورن، ایچ ایشلری باخانی گرالد دارمانین ده آرالارین‌دا اولدوغو باخانلارلا باشکند پاریس‌ده الیزه سارایین‌دا بیر آرایا گلدی.
مکرون، ییغینجاق‌دا باخانلارا، اؤلکه‌ده نظمین و ساکیتلیگین یئنی‌دن تاسیس ائدیلمه‌سی اوچون هر شئیی ائتمه تاپشیریغی وئررکه‌ن، فرانسادا نه‌لر اولدوغونو آنلاماق اوچون اوزون وعده‌لی بیر چچالیشما باشلاتمالارینی ایسته‌دی.
فرانسا پلیسی ۲۷ ژوئنده نانتر‌ده، ایچین‌ده ۳ نفر اولان بیر ماشینا آتیش ائتمیش، ۱۷ یاشین‌داکی سوروجو نائل مزروقو اؤلدورموشدو.
نائلین اؤلومونه تپکی وئره‌نلر، اؤلکه‌ده فرق‌لی شهرلرده کوچه‌یه چیخاراق پلیسله چاتیشمیشدی.
گنجی اؤلدوره‌ن پلیس ایشدن چیخاردیلمیش و توتوقلو اولاراق محاکیمه اولونماسینا قرار وئریلمیشدی.
آیریجا پاریس، مارسی، لیون داخیل بیر چوخ شهرده تشکیل ائدیله‌ن اعتراضلاردا تالان و یاغمالاما حادثه‌لری یاشانمیش، ۱۰ قدر شهرده یئرلی ساعاتلا ۲۱.۰۰دا‌ن اعتباراً کوچه‌یه چیخما قاداغاسی اعلان ائدیلمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
