ایسلام امکداش‌لیق تشکیلاتی سودان‌-داکی طرف‌لره چاغیریش ائدیب

ایسلام امکداش‌لیق تشکیلاتی‌نین باش کاتیبی حسین ابراهیم طه سودان-دا دؤیوشن طرف‌لری قربان بایرامیندا بوتون زوراکی‌لیق و قارشیدورما‌لارا سون قویماغا چاغیریب.

ایسلام امکداش‌لیق تشکیلاتین‌دان وئریلن بیاناتا گؤره، باش کاتیب حسین ابراهیم طه سودان‌-داکی موناقیشه‌لرین دایاندیریلماسینی ایسته‌ییب.

حسین ابراهیم طه قربان بایرامیندا سودان-‌لیلارین قانی‌نین تؤکولمه‌مه‌سی اوچون قارشیدورما‌لارین دایاندیریلماسی‌نین و قارشیدورما‌لاردان منفی تأثیرلنن اراضی‌لره اینسانی یاردیمین چاتدیریلماسینا ایجازه وئریله‌سی‌نین واجیب‌لیگینی وورغولاییب.

او، همچنین سودان بحرانیندا فعال اولان بوتون بولگه‌سل و اولوسلار آراسی طرف‌لره آتشکس ایله باغلی سعی‌لری دستکلمه‌لری ایله علاقه‌دار چاغیریش ائدیب.

سودان اوردوسو ایله خصوصی رئاکسیا قوه لری آراسیندا آوریلین 15-دن اعتباراً داوام ائدن قارشیدورما‌لار ژوئن‌ین 18-ده باشلایان 3 گونلوک آتشکسین سونا چاتماسی ایله یئنی‌دن شدت‌لنیب.