پاریسده‌کی پاتلامادا یارالی ساییسی آرتیر

فرانسانین باشکندی پاریسین ۵.جی بؤلگه‌سین‌ده دونن بیر بینادا میدانا گلن پاتلامادا یارالانانلارین ساییسی ۵۰ نفره یوکسلدی.
فرانسا مطبوعاتین‌داکی خبره گؤره، پاریس ساوچیلیغی دونن پاریسین ۵.جی بؤلگه‌سین‌ده میدانا گلن پاتلامادا ۶سی آغیر ۵۰ نفرین یارالاندیغینی آچیقلادی.
ساوچیلیق، ییخینتی آلتین‌دا ۱ نفرین هله آختاریلدیغینی قید ائتدی.
پاریسین ۵.جی بؤلگه‌سی بلدیه باشقانی کؤمکچی‌سی ادوارد سیول، توییتردن وئردیگی آچیقلامادا، وال دا گراس محله‌سین‌ده بیر بینادا گاز قاچاغیندان قایناقلانان پاتلاما میدانا گلدیگینی ایفاده ائتمیشدی.
پاریس ساوچیلیغی، پاتلامانین سببینین هله دقیق اولاراق بیلینمه‌دیگینی و حادثه‌ ایه باغلی "قصدسیز یارالاما" سببی ایله سوروشدورما باشلادیلدیغینی آچیقلامیشدی.
پاریس گوونلیک مودورو لورن نونز، پاتلاما سببی ایله بینادا یانغین چیخدیغینی و اطراف‌داکی بیر چوخ ائوین شوشه‌سینین قیریلدیغینی، ییخینتی آلتین‌دا آختاریشلارین سوردوگونو و یانغینین کنترل آلتینا آلیندیغینی دیله گتیرمیشدی.