آوروپا بیرلیگی اؤلکه‌لرینده کؤموردن ایستیفاده آرتیب

آوروپا بیرلیگی اؤلکه‌لری 2022-جی ایل انرژی بحرانیندان سونرا کؤمور اوره تیمینی و ایستیفاده‌سینی آرتیریب.

آوروپا ایستاتیستیک ایداره‌سی (Eurostat) آوروپا بیرلیگی-نین 27 عضو اؤلکه‌سینده 2022-جی ایل اوچون کؤمور اوره تیمی و ایستیفاده‌سیله باغلی معلومات‌لاری درج ائدیب. بونا اساساً، انرژی بحرانی‌نین یاشاندیغی 2022-جی ایلده آوروپا بیرلیگی-نین کؤمور اوره تیمی و ایستیفاده‌سی آرتیب. بئله کی، اؤتن ایل آوروپا بیرلیگی-نین کؤمور اوره تیمی  اوولکی ایله نیسبتن 5 فایز آرتا‌راق 349 میلیون تونا، ایستیفاده‌سی ایسه 2 فایز آرتا‌راق 454 میلیون تونا چاتیب.

لیگنیت کؤمور اوره تیمی 2022-جی ایلده اوولکی ایله نیسبتن 6 فایز آرتا‌راق 294 میلیون تون اولوب.

آلمانیا لیگنیت حاصیل ائدن 9 آوروپا بیرلیگی اؤلکه‌سی آراسیندا بیرینجی یئرده‌دیر.

2022-جی ایلده آوروپا بیرلیگی اؤلکه‌لری‌نین داش کؤمور اوره تیمی 55 میلیون تونا یوکسلیب. حالبوکی آوروپا بیرلیگی اؤلکه‌لری آراسیندا داش کؤمور اوره تیمی یالنیز لهستان و چکیادا حیاتا کئچیریلیردی.